تۇركىستان وبلىسىنىڭ اكىمى ومىرزاق شوكەەۆ ماقتاارال اۋدانىنا بارىپ, جاڭادان سالىنىپ جاتقان باسپانالاردىڭ قۇرىلىسىمەن تانىستى, دەپ حابارلايدى Egemen.kz. بۇل تۋرالى وبلىس اكىمدىگىنىڭ ءباسپاسوز قىزمەتى مالىمدەدى.
ساپار بارىسىندا ايماق باسشىسى باسپانالاردىڭ ساپاسىن باقىلادى. حالىقپەن كەزدەسىپ, كوكەيدەگى ماسەلەلەرىن تىڭدادى. سونداي-اق, ومىرزاق شوكەەۆ جاڭاجول اۋىلدىق وكرۋگىنە قاراستى ورگەباس جانە فيرداۋسي اۋىلدارىن قالپىنا كەلتىرۋ جۇمىستارىن تەكسەردى.
كولەمى 1256 گەكتاردى قۇرايتىن ورگەباس ەلدى مەكەنىندە 209 ءۇي ورنالاسقان. جالپى بۇگىنگى تاڭدا 194 ءۇي سىرىلىپ, 194 ءۇيدىڭ ىرگەتاسى قۇيىلىپ, 185 ءۇيدىڭ قابىرعالارى قالانۋدا. 140 ءۇيدىڭ شاتىرى جابىلعان.
ال جاڭا جول اۋىلدىق وكرۋگىنە قاراستى فيرداۋسي ەلدى مەكەنىندە 305 ءۇيدىڭ اۋماعى تازارتىلىپ, 305 ءۇي ىرگەتاسى قۇيىلعان. 298 ءۇيدىڭ قابىرعالارى قالانىپ, 255 ءۇيدىڭ شاتىرى جابىلۋدا. ومىرزاق ەستاي ۇلى بۇدان سوڭ مىرزاكەنت كەنتىندەگى بىردەي ۇلگىدە سالىنىپ جاتقان 386 ءۇيدىڭ قۇرىلىس جۇمىستارىمەن تانىستى.
بۇگىنگى تاڭدا مۇندا 241 ءۇي تاپسىرىلۋعا تاياۋ. سونداي-اق, جاڭادان قۇرىلعان مولتەكاۋداندا مەكتەپ, بالاباقشا, مەديتسينالىق امبۋلاتوريا جانە پوليتسيا پۋنكتى سالىنۋدا.
بۇدان باسقا ءوڭىر باسشىسى جاڭاجول اۋىل وكرۋگىنە قاراستى ورگەباس جانە فيردوۋسي ەلدى مەكەندەرىندەگى 2 مەكتەپتىڭ قۇرىلىسىن كوردى. عيماراتتار تولىق كۇردەلى جوندەۋدەن ءوتىپ, جىلىتۋ قازاندىعىن تابيعي گازعا قوسۋ جۇمىستارى جۇرگىزىلۋدە.
قازىرگى تاڭدا 400-گە جۋىق ءۇيدىڭ قۇرىلىس جۇمىستارى تولىعىمەن اياقتالىپ وتىر. قالعان باسپانالاردىڭ قابىرعالارى قالانىپ, شاتىرى جابىلۋدا. جوسپار بويىنشا بارلىق ۇيلەر قازان ايىنىڭ سوڭىنا دەيىن تولىعىمەن اياقتالادى دەپ جوسپارلانىپ وتىر.