ۇلىبريتانيادا SARS-CoV-2 قارسى ۆاكتسينا ازىرلەۋدەگى اعىلشىن-شۆەد بىرلەسكەن جوباسى توقتاپ قالعان ەدى. REGNUM اگەنتتىگى AstraZeneca فارمكومپانياسىنىڭ وكسفورد ۋنيۆەرسيتەتىمەن وداقتاسا قولعا الىنىپ, بىراق ءبىراز ۋاقىتقا توقتاتىلعان جۇمىسى قايتا جالعاستى دەگەن حابار تاراتتى, دەپ جازادى Egemen.kz.
وعان سەبەپ بولعان COVID-19-عا قارسى ۆاكتسينا ازىرلەۋدە تاجىريبەدەن ءوتىپ جۇرگەن ءبىر ەرىكتىنىڭ اۋىرىپ قالۋى ەدى. بۇل – ەرىكتى اعزاسىنا ۆاكتسينا تيگىزگەن جاناما اسەر بولۋى مۇمكىن دەپ دەرەۋ تاجىريبە توقتاتىلعان بولاتىن.
الايدا ەلدەگى دارىلەر مەن مەديتسينالىق ماقساتتاعى زاتتاردىڭ ساپاسىن قاداعالايتىن اگەنتتىك (MHRA) ۆاكتسينانىڭ زيانسىزدىعى تۋرالى قورتىندى جاساپ, ۆاكتسينانىڭ ءارى قارايعى تاجىريبەدەن وتۋىنە جول اشىپتى.