سقو پوليتسەيلەرى جەرگىلىكتى فەرمەرلىك شارۋاشىلىقتىڭ بىرىنەن 1988 جىلى تۋعان ايەل مەن 8 جاسقا تاياعان بالا تابىلعانىن مالىمدەدى, - دەپ حابارلايدى Egemen.kz
اناسى مەن قىزىنىڭ ەشقانداي قۇجاتى جوق, حات تانىمايدى. ايەل سويلەسۋدەن باس تارتقان, بىراق ايەلدەردى قولداۋ ورتالىعىنداعى قىزمەتكەرلەردىڭ كومەگى ارقىلى پوليتسەيلەر ونى تۇرمىستىق زورلىق-زومبىلىقتان ءجابىر كورگەندەر ۇيىنە جەتكىزگەن.
"قىزى مەكتەپكە بارماعان, ويىنشىقتىڭ نە ەكەنىن بىلمەيدى. قازىر اناسى مەن بالاسىنا مەدينيتسينالىق, پسيحولوگيالىق جانە قۇقىقتىق كومەك كورسەتىلىپ جاتىر. ءوزىنىڭ ايتۋىنشا, وڭتۇستىك قازاقستان وبلىسىنىڭ تۋماسى. قازىر ونىڭ كىم ەكەنىن انىقتاۋ جانە قۇجات جاساۋ جۇمىستارى جۇرگىزىلىپ جاتىر", - دەدى سقو پد كريمينال پوليتسيا باسقارماسىنىڭ باستىعى, پوليتسيا پولكوۆنيگى پەتر كليموۆ.
ولار كريمينال پوليتسيا قىزمەتكەرلەرى ايەلدەردى قولداۋ ورتالىعىمەن بىرلەسە اتقاراتىن پروفيلاكتيكالىق جۇمىستارىنىڭ ناتيجەسىندە تابىلعان. ءبىر ازامات قازاقستان داعدارىس ورتالىقتارى وداعىنىڭ ادام ساتۋعا قارسى قىزمەتىنىڭ جەدەل جەلىسىنە (116-16 نومىرىنە) حابارلاسقان جانە ولار ءارى قاراي سقو پوليتسەيلەرىنە جەتكىزگەن