قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ باستاماسىمەن بىرىككەن ۇلتتار ۇيىمىنىڭ حالىقتى قونىستاندىرۋ قورى (يۋنفپا) ەر ادامدارعا ارنالعان ۇسىنىمدارىن جارىققا شىعاردى, دەپ حابارلايدى Egemen.kz.
ۇسىنىمداردىڭ تۇساۋى قازاقستاندا جىل سايىن قىركۇيەكتىڭ ەكىنشى جەكسەنبىسى -وتباسى كۇنىندە كەسىلەدى.
1994 جىلعى حالىقتى قونىستاندىرۋ جانە دامىتۋ جونىندەگى حالىقارالىق كونفەرەنتسيانىڭ (مكنر) ءىس-قيمىل باعدارلاماسى "وتباسى مەن قوعام ومىرىندە گەندەرلىك تەڭدىككە ىقپال ەتۋگە, ءارى ەر ادامداردىڭ جىنىستىق جانە رەپرودۋكتيۆتى دەنساۋلىعى ءۇشىن جاۋاپكەرشىلىگىن كوتەرۋگە باعىتتالعان".
سونداي-اق, جوعارىدا اتالعان كوفەرەنتسيا جانە باسقادا بىرقاتار حالىقارالىق قۇجات مەملەكەتكە ەر ادام مەن بالانىڭ وتباسىنداعى ءرولى, وتباسىلىق قۇندىلىقتارى, رەپرودۋكتيۆتى دەنساۋلىقتى ساقتاۋ, تۇرمىستىق زورلىق-زومبىلىقپەن كۇرەسۋ جانە دەنساۋلىقتى نىعايتۋعا باعىتتالعان باعدارلامالار جاساۋعا مۇمكىندىك بەرەدى.
ۇسىنىمدار كوپشىلىك وقىرمانعا ارنالعان, ونىڭ ىشىندە وتباسىن قۇرعىسى كەلەتىن ەر ادامدار مەن بولاشاق اكەلەر دە بار. وقىرمان ۇسىنىمداردان بولاشاق اكەلەرگە جاۋاپكەرشىلىكتى سەزىنۋ, ەرلى-زايىپتىلاردىڭ رەپرودۋكتيۆتى دەنساۋلىعىن قالاي ساقتاۋ كەرەگىن, ونىڭ ىشىندە وتباسىن قۇرۋدى جوسپارلاۋ, ونداعى ەرلەردىڭ ءرولى, جۇكتىلىك جانە بوسانۋ كەزىندە ايەلگە قالاي قولداۋ كورسەتۋ كەرەگى, گەندەرلىك تەڭدىككە ىقپال ەتۋ جانە گەندەرلىك زورلىق-زومبىلىقپەن كۇرەس سىندى وزەكتى ماسەلەلەرگە جاۋاپ تابا الادى.
COVID-19 پاندەمياسى ادامدارعا قوسىمشا قيىندىقتار تۋعىزىپ, وتباسىنداعى جاعدايدى شيەلەنىستىرە ءتۇستى.
"اكەلەردىڭ بالالارىمەن ءجيى ارالاسۋى تەك وڭ سيپاتقا يە: مۇنداي جاعدايدا بالانىڭ فيزيكالىق جانە پسيحيكالىق دەنساۋلىعى مىقتى, ۇلگەرىمى جوعارى, تانىمدىق جانە كوگنيتيۆتى داعدىلارى, ءوز-وزىنە سەنىمى جانە وزباعالانىمى جوعارى بولادى. سونىمەن قاتار, اكەلەرى بالا تاربيەسىنە ءمان بەرەتىن وتباسىلاردا ءجاسوسپىرىمنىڭ مىنەز-قۇلقىنا بايلانىستى ماسەلەلەر سيرەك بولادى. 2030 جىلعا دەيىنگى قازاقستان رەسپۋبليكاسىنداعى وتباسىلىق-گەندەرلىك ساياسات تۇجىرىمداماسىندا سانالى اكەلىك ينستيتۋتتى نىعايتۋ بويىنشا بىرقاتار شارالار قاراستىرىلعان", دەدى قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ توراعاسى لاززات رامازانوۆا.
وتباسىنداعى زورلىق-زومبىلىقتىڭ الدىن الۋ ستراتەگياسىنىڭ ءبىرى – ەر ادامدارعا گەندەرلىك ماسەلەلەر بويىنشا ءبىلىم بەرۋ جانە وتباسىنا قالاي قامقورلىق جاساۋ كەرەگى تۋرالى اقىل-كەڭەس بەرۋ. سوندىقتان كىتاپتا ءپوزيتيۆتى تاربيە بەرۋ, بەلسەندى اكەلى بولۋ جانە زورلىق-زومبىلىقتىڭ الدىن الۋ ماسەلەلەرىنە باسا ءمان بەرىلگەن.
"بۇل كىتاپ اكە بولۋدى تاريحي-مادەني قىرىنان زەرتتەپ قانا قويماي, ءارى اشۋعا ەرىك بەرمەۋ, كۇيزەلىسكە قارسى تۇرۋ, وتباسىنداعى بەرەكە-بىرلىكتى ساقتاۋ, سانالى اتا-انا بولۋ, وتباسىنداعى قارىم-قاتىسقا قۇقىقتىق جاعىنان باعا بەرۋ سياقتى وزەكتى ماسەلەلەردى كوتەرەدى", دەيدى قازاقستانداعى بىرىككەن ۇلتتار ۇيىمىنىڭ حالىقتى قونىستاندىرۋ قورىنىڭ وكىلى دجۋليا ۆالەزە.
ەسكە سالايىق, ۇسىنىمدار قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ باستاماسىمەن بىرىككەن ۇلتتار ۇيىمىنىڭ قازاقستانداعى حالىق قورىنىڭ تەحنيكالىق قولداۋىمەن دايىندالعان.