ەلەكترونيكالىق دۇكەنگە كەلگەن 26 جاستاعى جىگىت ۆيترينادان قىمبات سمارت-ساعاتتى ۇرلاپ كەتتى, دەپ حابارلايدى Egemen.kz قازاقپاراتقا سىلتەمە جاساپ.
"بەلىي ۆەتەر" ەلەكترونيكا دۇكەنىنە كەلگەن جاس جىگىت ساتۋشىنىڭ جوقتىعىن پايدالانىپ, ۆيترينادان قۇنى 230 مىڭ تەڭگەلىك "Apple watch" سمارت-ساعاتىن ۇرلاپ كەتكەن. وسىدان كەيىن كەدەرگىسىز دۇكەننەن شىعىپ, ءىز سۋىتىپ كەتكەن.
"پوليتسيا قىزمەتكەرلەرى 26 جاستاعى ەلوردا تۇرعىنىن ۇستادى", دەپ حابارلايدى قالالىق پوليتسيا دەپارتامەنتىنىڭ وكىلدەرى.
قولساعات ۇرلاعان جاس جىگىت وسىلايشا از ۋاقىتتىڭ ىشىندە ۇستالدى. كىناسىن مويىنداعان ايىپكەر قىمبات گادجەتتى دۇكەنگە قايتارىپ بەردى. قازىرگى ۋاقىتتا ول قر قىلمىستىق كودەكسىنىڭ 188-بابى (ۇرلىق) بويىنشا ايىپقا تارتىلعان. ونىڭ باسقا دا قىلمىستارعا قاتىسىنىڭ بار-جوعى انىقتالۋدا.