نۇر-سۇلتان قالاسىنىڭ پوليتسەيلەرى قاراۋسىز جايىلىپ جۇرگەن مالداردىڭ يەلەرىنە اكىمشىلىك حاتتامالار تولتىرۋدا, دەپ حابارلايدى Egemen.kz قازاقپاراتقا سىلتەمە جاساپ.
پوليتسيا دەپارتامەنتىنىڭ مالىمدەۋىنشە, ەسىل اۋداندىق پوليتسيا باسقارماسىنىڭ تابيعاتتى قورعاۋ پوليتسەيلەرى يلينكا – قوسشى اينالما جولىنا جاقىن جەردەن جاسىل جەلەك اراسىندا قاراۋسىز جايىلىپ جۇرگەن اۋىلشارۋاشىلىق مالدارىن انىقتاعان.
جۇرگىزىلگەن ءىس-شارا بارىسىندا ءىرى قارانىڭ يەلەرى انىقتالىپ, ولارعا اكىمشىلىك سيپاتتاعى جازا قولدانىلدى.
"قر اكىمشىلىك قۇقىق بۇزۋشىلىق تۋرالى كودەكستىڭ 408-بابى (اۋىلشارۋاشىلىق مالىن جايۋ ەرەجەلەرىن بۇزۋ) بويىنشا اكىمشىلىك حاتتاما تولتىرىلدى. سونىمەن بىرگە, مال يەلەرىمەن ءماسليحات شەشىمىمەن بەكىتىلگەن استانا اۋماعىندا جانۋارلاردى ۇستاۋ ەرەجەسىن ساقتاۋ قاجەتتىگى بويىنشا پروفيلاكتيكالىق اڭگىمە جۇرگىزىلدى", دەدى قالالىق پوليتسيا دەپارتامەنتىنەن.