قپل: "استانا" "ورداباسىنى" ەكى پەنالتيمەن جەڭىپ كەتتى

ەكى كوماندا تۋرنير كەستەسىندە قاتار كەلەدى. سوندىقتان ويىننىڭ تارتىستى وتەتىنى بەلگىلى ەدى. ەلوردالىق كلۋب ويىن بارىسىندا قارسىلاستار قاقپاسىنا بەلگىلەنگەن ەكى پەنالتيدى ءمۇلت جىبەرگەن جوق.

ونى 57 جانە 64-مينۋتتاردا رۋنار سيگۋرونسسون شەبەر ورىندادى. وعان 70-مينۋتتا "ورداباسى" ويىنشىسى جواو پاۋلو ءبىر گولمەن جاۋاپ بەردى. كەزدەسۋدە "استانا" قارسىلاسىن 2:1 ەسەبىمەن جەڭىپ, تۋرنير كەستەسىندە 14 ۇپايمەن ەكىنشى ورىنعا كوتەرىلدى.

كوش باسىندا 18 ۇپايمەن "قايرات" كومانداسى تۇر. ەستەرىڭىزگە سالا كەتەلىك, كەشە اتالعان تۋرداعى ەكى ويىن وتكىزىلدى.

بۇل كۇنى "جەتىسۋ" "وقجەتپەستى" 1:0 ەسەبىمەن باسىم تۇسسە, "شاحتەر" مەن "تاراز" 1:1 ەسەبىن قاناعات تۇتتى.

سونداي-اق, بۇگىن "توبىل" مەن "قىزىلجار", "قايرات" پەن "قايسار" كوماندالارى جاسىل الاڭعا شىعادى.