قازاقستان رەسپۋبليكاسىنىڭ ۇقك ەلوردا اۋماعىندا بوپسالاۋ, رەيدەرلىك جانە زاڭسىز قارۋ-جاراق اينالىمىمەن اينالىسقان قىلمىستىق توپتاردى جويدى, دەپ حابارلايدى Egemen.kz.
قىلمىستىق توپتار وسى ۋاقىتقا دەيىن "اليبوۆسكيە", "يبراگيموۆا" جانە "ماحمۋدوۆا" اتاۋلارىمەن ارەكەت ەتكەن. ولار كەشە, ياعني 2020 جىلدىڭ 11 قىركۇيەگىندە قولعا ءتۇستى.
اتالعان توپتاردىڭ 12 جەتەكشىسى مەن بەلسەندى مۇشەلەرى ۇستالدى. ايتا كەتەرلىگى, ولاردىڭ ءبىرى تەرروريستىك سيپاتتاعى بىرنەشە قىلمىس جاساعانى ءۇشىن حالىقارالىق ىزدەۋدە جۇرگەن.
ۇقك مالىمدەۋىنشە, اۋقىمدى وپەراتسيا شەڭبەرىندەگى تۇتقىنداۋ جۇمىستارى نۇر-سۇلتان, الماتى, اقتوبە جانە قوستاناي قالالارىندا ءبىر ۋاقىتتا جۇرگىزىلىپتى. قازىر وسى وپەراتسيا بويىنشا تەرگەۋ شارالارى جالعاسۋدا.
ايتا كەتەيىك, قىلمىستىق توپتان اتىس قارۋى مەن جارىلعىش قۇرىلعىلاردىڭ ۇلكەن ارسەنالى تابىلعان.