پوليتسيا پارمەنىن ارتتىرۋدىڭ ءبىر جولى اۋەلگى كەزەكتە ولاردى تەحنيكامەن, قاجەتتى قۇرال- جابدىقتارمەن قامتاماسىز ەتۋ. سوسىن مەملەكەت تاراپىنان بولىنگەن قاراجاتتىڭ وتەۋى رەتىندە ولاردىڭ ەلگە ادال قىزمەت ەتۋىن تالاپ ەتۋ بولادى.
پوليتسيا پارمەنىن ارتتىرۋدىڭ ءبىر جولى اۋەلگى كەزەكتە ولاردى تەحنيكامەن, قاجەتتى قۇرال- جابدىقتارمەن قامتاماسىز ەتۋ. سوسىن مەملەكەت تاراپىنان بولىنگەن قاراجاتتىڭ وتەۋى رەتىندە ولاردىڭ ەلگە ادال قىزمەت ەتۋىن تالاپ ەتۋ بولادى.
سوندىقتان الماتى وبلىسىنىڭ اكىمى اڭسار مۇساحانوۆ جەتىسۋلىق پوليتسەيلەرگە زامان تالابىنا ساي تەمىر تۇلپارلار كىلتىن تابىستاپ تۇرىپ: «ەلباسى قۇقىق قورعاۋ ورگاندارىن قارجىلاندىرۋ, ولاردىڭ ماتەريالدىق-تەحنيكالىق بازاسىن نىعايتۋ ماسەلەسىنە ەرەكشە كوڭىل ءبولىپ, ناقتى تاپسىرمالار بەرگەن بولاتىن. وسى مىندەتتى دەر كەزىندە جۇزەگە اسىرۋ ءۇشىن وبلىستىق بيۋدجەتتەن 4 ملرد.تەڭگەگە جۋىق قاراجات ءبولىندى. سونىڭ ىشىندە قىزمەتتىك اۆتوكولىكپەن قامتۋعا 1,8 ملرد. تەڭگە جۇمسالدى. قالىپتاسقان داستۇرگە سايكەس, پوليتسەيلەرگە قاجەتتى قۇرالدارمەن جابدىقتالعان 87 اۆتوكولىكتىڭ كىلتىن تاپسىرامىز. تەمىر تۇلپارلار پوليتسەيلەرگە قوعام تىنىشتىعىن ساقتاۋ ىسىندە كومەكشى بولىپ, قىلمىسقا قارسى كۇرەستى بۇرىنعىدان دا كۇشەيتىپ, وبلىس تۇرعىندارىنىڭ تىنىشتىعىن قامتاماسىز ەتۋ مىندەتىن ابىرويمەن اتقارادى دەپ سەنەمىن», دەدى.
قورىتا ايتقاندا, بۇل كۇنى SsangYongKyron, ۋاز-پاتريوت جانە زاز-شانس ماركالى اۆتوكولىكتەر كىلتىن الىپ, قىزمەتكەرلەرىنىڭ اتىنان وبلىستىڭ باس پوليتسەيى قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋگە سەنىم ءبىلدىردى.
نۇربول الدىباەۆ,
«ەگەمەن قازاقستان».
الماتى وبلىسى.