تسيفرلىق دامۋ, يننوۆاتسيالار مەن اەروعارىش ونەركاسىبى ءمينيسترى باعدات مۋسين پرەزيدەنت جولداۋى اياسىندا ءوزى جەتەكشىلىك ەتىپ وتىرعان ۆەدومستۆونىڭ باستى ماقساتىن اتادى, دەپ حابارلايدى Egemen.kz قازاقپاراتقا سىلتەمە جاساپ.
"پرەزيدەنتتىڭ جولداۋىنا ءبىر قۇجات كۇيىندە عانا قاراماۋ كەرەك. سەبەبى مەملەكەت باسشىسىنىڭ بۇعان دەيىنگى ايتقان سوزدەرى مەن كوتەرگەن باستامالارى وسى جولداۋدى تولىقتىرىپ تۇر. بىزگە قاتىستى ەڭ باستى ايتىلعانى تسيفرلاندىرۋ – بۇكىل رەفورمانىڭ بازالىق ەلەمەنتىنە اينالۋى ءتيىس. بۇل – ماقساتقا جەتۋدەگى قۇرال. ءارتۇرلى سالاداعى مەجەلەرگە جەتۋ, مەملەكەتتىك باسقارۋ جۇيەسىن جاڭعىرتۋ سەكىلدى سالالاردا تسيفرلىق ماقساتتار بار. ال ءبىزدىڭ ماقسات – شىنىندا دا بۇكىل رەفورمالار پروتسەسىن جەدەلدەتەتىن بازالىق ەلەمەنتكە اينالۋ. جالپى مەملەكەت باسشىسى بىزگە جۇكتەگەن پروتسەستەردى جەدەلدەتەتىن بازانى قۇرۋىمىز كەرەك", دەدى باعدار مۋسين پرەزيدەنتتىك جاستار كادرلىق رەزەرۆىندەگى ازاماتتارمەن كەزدەسۋ بارىسىندا.
مينيستر مەملەكەت باسشىسىنىڭ ونلاين-پەتيتسيالار تۋرالى ايتقان باستاماسى قولداۋعا يە بولعانىن, ونى ازىرلەۋگە ءوزى جەتەكشىلىك ەتەتىن مينيسترلىك اقپارات جانە قوعامدىق دامۋ مينيسترلىگىمەن بىرگە اتسالىساتىنىن جەتكىزدى.
"Data-ورتالىقتار مەن ماينينگتى ىستەر بويىنشا ءبىز قازاقستانعا 500 ملرد تەڭگە ينۆەستيتسيا تارتۋىمىز كەرەك. سونىمەن قاتار, پرەزيدەنت بىزگە ءىت-سالانى ونەركاسىپ سالاسىنا جاقىنداتۋدى جۇكتەدى. الەم ەكوجۇيە ستارتاپىن قالىپتاستىرۋ فازاسىنا ءوتىپ كەتتى. وسىناۋ قاتتى جىلدامدىقپەن كەلە جاتقان الەمدىك ترەندتەن ءبىز دە قالىسقىمىز كەلمەيدى. شىنىندا دا ەكىنشى whatsapp نەمەسە قانداي دا الەۋمەتتىك جەلىلەر ءتۇرىن ويلاپ تابۋعا بولادى. ال بىراق شىنتۋايتىندا ءبىز مەملەكەت رەتىندە ءوز باسىمدىقتارىمىزدى ايقىنداپ الۋىمىز كەرەك. ءوزىمىزدىڭ بازالىق رەسۋرستارىمىزدىڭ ارقاسىندا قانداي دا ءبىر ون ۇزدىك سالانى الايىق. ماسەلەن مۇناي, تاۋ-كەن ونەركاسىبى سالاسىندا قازاقستان الەمنىڭ 10 نەمەسە 20 ۇزدىك مەملەكەتىنىڭ قاتارىندا. مىنە, ءبىز ەكوجۇيەلەردىڭ ستارتاپتارىن وسى يندۋسترياعا جاقىنداتقىمىز كەلەدى", دەدى ول.