بۇل سۇراققا دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ جاۋاپ بەردى, دەپ حابارلايدى Egemen.kz.
"ەگەر ناۋقاستار سانى تاۋلىگىنە 30 مىڭ ادامعا جەتەتىن بولسا, البەتتە, ەلدە قاتاڭ كارانتين رەجيمى ەنگىزىلەدى. بۇل ەڭ باستى كورسەتكىش. بىراق دەنساۋلىق ساقتاۋ جۇيەسى تاۋلىگىنە كوروناۆيرۋس ينفەكتسياسىن جۇقتىرعان 70 مىڭ ناۋقاستى قابىلداۋعا دايىن", دەدى باعدات قوجاحمەتوۆ.
ايتا كەتەيىك, قازىرگى تاڭدا قازاقستاندا كۆي-گە شالدىققاندار سانى 106 661 ادامدى قۇراپ وتىر.
سونىمەن قاتار قازاقستان ىندەتكە دايىندىقتى قامتاماسىز ەتۋ سالاسىنداعى يننوۆاتسيالار كواليتسياسىمەن جانە ددۇ-مەن, سونداي-اق حالىقارالىق كورپوراتسيالارمەن جانە ۆاكتسينالاردى وندىرۋشىلەرمەن بىرلەسىپ ۆاكتسينالار مەن يممۋنداۋ جونىندەگى جاھاندىق اليانس قۇرعان COVAX Facility باعدارلاماسىنا قوسىلدى.