وبلىستا «قولجەتىمدى تۇرعىن ءۇي-2020» باعدارلاماسىن جۇزەگە اسىرۋدىڭ ءبىرىنشى جىلىنىڭ وزىندە 430 مىڭ شارشى مەتردەن استام تۇرعىن ءۇي پايدالانۋعا بەرىلدى. مۇنداي قاراپايىم حالىق ءۇشىن ءتيىمدى باعدارلاماعا بيۋدجەتتىڭ قارجىسىمەن قاتار, تۇرعىندار مەن مەملەكەتتىك ەمەس سەكتوردىڭ كاسىپورىندارى دا ۇلەس قوسقان.
مىنە, تۇرعىن ءۇي قۇرىلىسىن سالۋدا وسىنداي ىلگەرىلەۋشىلىك بولعانىنا قاراماستان, باسپانا ماسەلەسى ءالى وزەكتى بولىپ قالۋدا. اسىرەسە, ۇلكەن ومىرگە جاڭا قادام باسقان جاس وتباسىلار «وي-حوي مەنىڭ, ءوز ءۇيىم» بولسا دەگەن ۇمىتپەن
وبلىستا «قولجەتىمدى تۇرعىن ءۇي-2020» باعدارلاماسىن جۇزەگە اسىرۋدىڭ ءبىرىنشى جىلىنىڭ وزىندە 430 مىڭ شارشى مەتردەن استام تۇرعىن ءۇي پايدالانۋعا بەرىلدى. مۇنداي قاراپايىم حالىق ءۇشىن ءتيىمدى باعدارلاماعا بيۋدجەتتىڭ قارجىسىمەن قاتار, تۇرعىندار مەن مەملەكەتتىك ەمەس سەكتوردىڭ كاسىپورىندارى دا ۇلەس قوسقان.
مىنە, تۇرعىن ءۇي قۇرىلىسىن سالۋدا وسىنداي ىلگەرىلەۋشىلىك بولعانىنا قاراماستان, باسپانا ماسەلەسى ءالى وزەكتى بولىپ قالۋدا. اسىرەسە, ۇلكەن ومىرگە جاڭا قادام باسقان جاس وتباسىلار «وي-حوي مەنىڭ, ءوز ءۇيىم» بولسا دەگەن ۇمىتپەن تۇرمىس تاۋقىمەتىن تارتىپ كەلە جاتقانى شىندىق. وڭىردەگى تۇرعىنداردى تۇرعىن ۇيمەن قامتاماسىز ەتۋ ماسەلەسىنىڭ وبلىستىق ءماسليحات دەپۋتاتتارى جانە وقۋ ورىندارى باسشىلارى, وقىتۋشىلار, باسقا دا جۇرتشىلىق قاتىسقان جيىندا كەڭىنەن اڭگىمە بولۋى دا سوندىقتان. تۇرعىندار ءۇشىن كۇرمەۋى قيىن ماسەلە تۋرالى «تۇرعىنۇيقۇرىلىسجيناقبانكى» اق اقتوبە فيليالىنىڭ ديرەكتورى گۇلنار دابىلوۆا بايانداپ, بانك ۇستانعان تۇرعىن ءۇي قۇرىلىس جيناق جۇيەسى ءوزى قۇرىلعاننان بەرگى 10 جىل ىشىندە مەملەكەتىمىزدەگى تۇرعىن ءۇي ساياساتىندا ءتيىمدى قۇرالعا اينالىپ ۇلگەرگەنىن جەتكىزدى. وسى ۋاقىت ارالىعىندا 420 مىڭ قازاقستاندىق 883 ميلليارد تەڭگە سوماسىنا تۇرعىن ءۇي قۇرىلىس جيناعى تۋرالى كەلىسىمشارت جاساعان, 173 ميلليارد تەڭگەدەن استام سوما زايمعا بەرىلگەن.
اقتوبە وبلىسى فيليالىندا بىلتىر 1 قاڭتاردا 17 179 سالىمشى بولسا, بيىل وسى ۋاقىتتا 22 مىڭنان اسىپ-جىعىلىپتى. ونىڭ ايتۋىنشا, قازىر وبلىستىڭ 25 مىڭنان استام تۇرعىنى وسى بانكتىڭ سالىمشىلارى ەكەن. سوڭعى ەكى-ءۇش جىلدىڭ ىشىندە سالىمشىلاردىڭ سانى ءۇش ەسە ارتقان كورىنەدى. تۇتىنۋشىلاردىڭ سەنىمىنە يە بولعان بانك جۇيەسىنىڭ 50ح50 نەگىزگى قاعيداتى بويىنشا كەرەكتى سومانىڭ جارتىسىن ەسەپ-شوتتا جيناقتاۋ قاجەت تە, قالعان جارتىسىن بانك بەرەدى ەكەن. وسىعان ساي بانك قازىرگى تاڭدا «باستاۋ», «وركەن», «كەمەل», «بولاشاق» دەپ اتالاتىن تاريفتىك جوسپارلارىن ۇسىنىپ وتىر. بۇل جوسپارلاردىڭ ءبىرىن تۇتىنۋشى ءوز مۇمكىندىگىنە قاراي تاڭداپ الادى. اقتوبەلىك فيليالدا 10 ميلليارد تەڭگەدەن استام سوماعا دەپوزيت بار. «تۇرعىنۇيقۇرىلىسجيناقبانكى» كليەنتتەرىنە باسپانالى بولۋدىڭ ءارتۇرلى تاسىلدەرىن ۇسىنادى.
ەلىمىزدە بىلتىردان باستاپ «قولجەتىمدى تۇرعىن ءۇي-2020» باعدارلاماسى ەنگىزىلىپ, تۇرعىندار وسى ارقىلى پاتەر الۋعا تالپىنىپ ءجۇر. فيليال ديرەكتورى گۇلنار دابىلوۆا اتالمىش باعدارلاما تۋرالى دا جۇيەلەي اڭگىمەلەدى.
– «قولجەتىمدى تۇرعىن ءۇي-2020» باعدارلاماسى تۇرعىن ءۇي قۇرىلىس جيناق جۇيەسى ارقىلى ەكى باعىتتا جۇزەگە اسىرىلادى. تۇرعىن ۇيلەر بارلىق تۇرعىندارعا جانە جاس وتباسىلارعا ارناپ سالىنادى. قازىر «تۇرعىنۇيقۇرىلىسجيناقبانكى» ارقىلى جاس ەرەكشەلىگىنە قاراماستان, تابىس كوزى بار, جۇمىس ىستەيتىن ءار ادام ەلىمىزدىڭ كەز كەلگەن اۋماعىنان ءۇي ساتىپ الا الادى. ول ءۇشىن بانك سالىمشىلارىنا ۇسىنىلاتىن تاريفتەر بويىنشا ۇزاق مەرزىمگە جالعا الىپ, كەيىن تولەپ قۇتىلۋ, ءۇش جىل نەمەسە ودان دا كوپ مەرزىم بويى بانكتەگى شوتىنا قاراجات جيناقتاۋ, باسپانا قۇنىنىڭ 50 پايىزىن شوتقا سالىپ, قالعان 50 پايىزىن نەسيەگە الۋ نەمەسە ەشقانداي جيناق اقشاسىز پاتەر قۇنىنىڭ 70 پايىزىن بانكتەن 10 پايىزدىق ۇستەمەمەن نەسيەگە الۋ سياقتى جەڭىلدىكتەردى قولدانۋعا مۇمكىندىك بار. بانكتىڭ اقتوبە وبلىستىق فيليالىندا قۇرامىندا 18 اگەنتى بار ءۇش كوماندا حالىق اراسىندا جۇمىس ىستەيدى, – دەدى ول.
وبلىس ورتالىعىنداعى «نۇر اقتوبە» تۇرعىن ءۇي شاعىن اۋدانىندا «قولجەتىمدى تۇرعىن ءۇي-2020» باعدارلاماسىنا قاتىسۋشىلارعا ارنالعان ۇيلەر سالىنۋدا. قازىرگى تاڭدا بانك «نۇر اقتوبە» شاعىن اۋدانىنداعى توعىز قاباتتى ۇيلەردەن پاتەر ساتىپ الۋشىلارعا پۋل ۇيىمداستىرىپ وتىر. بۇعان دەيىن اتالعان باعدارلاما اياسىندا «بولاشاق» جانە «باتىس» شاعىن اۋداندارىندا توعىز قاباتتى ءۇش ۇيدەگى 393 پاتەرگە پۋل ۇيىمداستىرىلىپ, نەسيەلەر بەرىلىپ, بيۋدجەتكە 2,3 ميلليارد تەڭگە اۋدارىلعان.
بىلتىر «قولجەتىمدى تۇرعىن ءۇي-2020» باعدارلاماسىن جۇزەگە اسىرۋ ءۇشىن رەسپۋبليكالىق بيۋدجەتتەن 1 938,8 ميلليون تەڭگە قاراجات بولىنگەن. بيىل جالپى كولەمى 47 860,1 مىڭ شارشى مەتر بولاتىن بارلىعى 684 پاتەر پايدالانۋعا بەرىلەتىن كورىنەدى.
اقتوبە قالاسىندا «سامۇرىق-قازىنا» جىلجىمايتىن م ۇلىك قورى «وكسي بيلد» سەرىكتەستىگىمەن بىرىگىپ, «يۋني سيتي» تۇرعىن ءۇي كەشەنىن سالىپ جاتىر. جالپى, كولەمى 26,0 مىڭ شارشى مەتر بولاتىن تۇرعىن ءۇي وسى جىلى پايدالانۋعا بەرىلۋى كەرەك. ونىڭ ءبىر شارشى مەترى 144,0 مىڭ تەڭگە تۇرادى.
جيىندا قولجەتىمدى تۇرعىن ۇيگە قاتىستى تۋىنداعان وزەكتى ماسەلەلەر ءسوز بولدى. سونىڭ ىشىندە باعدارلاما بويىنشا باسپانانى قالاي الۋعا بولاتىنى, «تۇرعىنۇيقۇرىلىسجيناق بانكتەگى» ەسەپشوتتاردى ساتۋعا توسقاۋىل قويىلعاندىعى جانە باسقا جايتتار ءتۇسىندىرىلدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.