يراندا پارلامەنت ءماجىلىسى سايلاۋىنىڭ ەكىنشى كەزەڭى باستالدى, دەپ حابارلايدى Egemen.kz ISNA اگەنتتىگىنە سىلتەمە جاساپ.
ۋچاسكەلەردەگى داۋىس بەرۋ جەرگىلىكتى ۋاقىت بويىنشا ساعات 08:00-دە باستالدى. داۋىس بەرۋ 10 ساعاتقا سوزىلادى. قاجەت بولعان جاعدايدا ول ءبىر نەمەسە ەكى ساعاتقا ۇزارتىلۋى مۇمكىن. قورىتىندى بويىنشا 290 دەپۋتاتتىڭ قالعان 11-ءنىڭ اتى-ءجونى انىقتالۋى ءتيىس.
ەسكە سالا كەتەيىك, 21 اقپاندا يراندا ءماجىلىس سايلاۋى ءوتتى. پارلامەنتكە وتكەن كانديداتتاردىڭ ەسىمدەرى داۋىس بەرۋ اياقتالعاننان كەيىن بىرنەشە كۇن ىشىندە جاريالاندى. ءساۋىر ايىندا 208 سايلاۋ وكرۋگىنىڭ 10-ىندا ەكىنشى تۋر ءوتۋى كەرەك ەدى, الايدا پاندەمياعا بايلانىستى ول 11 قىركۇيەككە اۋىستىرىلعان بولاتىن.