كەشە قازاقستان بوكس فەدەراتسياسىنىڭ پرەزيدەنتى تيمۋر ق ۇلىباەۆ 14-26 قازان كۇندەرى الماتىدا وتكەن الەم چەمپيوناتىنا قاتىسقان قازاقستان ۇلتتىق قۇراما كومانداسىنىڭ بوكسشىلارىمەن جانە جاتتىقتىرۋشىلار قۇرامىمەن كەزدەستى.
كەزدەسۋدە فەدەراتسيا باسشىسى الەم چەمپيوناتىنىڭ ءتيىستى دەڭگەيدە وتكەنىن ايتتى.
كەشە قازاقستان بوكس فەدەراتسياسىنىڭ پرەزيدەنتى تيمۋر ق ۇلىباەۆ 14-26 قازان كۇندەرى الماتىدا وتكەن الەم چەمپيوناتىنا قاتىسقان قازاقستان ۇلتتىق قۇراما كومانداسىنىڭ بوكسشىلارىمەن جانە جاتتىقتىرۋشىلار قۇرامىمەن كەزدەستى.
كەزدەسۋدە فەدەراتسيا باسشىسى الەم چەمپيوناتىنىڭ ءتيىستى دەڭگەيدە وتكەنىن ايتتى.
وسىعان وراي ەلىمىزدە العاش رەت وتكەن الەمدىك دودانى ۇيىمداستىرۋعا اتسالىسقان بارلىق ازاماتتارعا, سونىڭ ىشىندە بوكس فەدەراتسياسىنىڭ قىزمەتكەرلەرىنە العىس سەزىمىن جەتكىزدى. ودان ءارى ۇلتتىق قۇرامانىڭ كورسەتكەن ونەرىنە جاقسى باعا بەرەتىنىن, چەمپيوناتتا بىلعارى قولعاپ شەبەرلەرىمىز وزىنە جۇكتەلگەن مىندەتتى تولىعىمەن ورىنداپ شىققانىن اتاپ ءوتتى.
وسىدان كەيىن كەزدەسۋدە ۇلتتىق قۇرامانىڭ باس جاتتىقتىرۋشىسى مىرزاعالي ايتجانوۆ پەن كوماندانىڭ كاپيتانى, الەم چەمپيوناتىنىڭ ۇزدىك بوكسشىسى اتانعان دانيار ەلەۋسىنوۆ ءسوز سويلەپ, بوكس فەدەراتسياسىنا, سونىڭ ىشىندە تيمۋر ق ۇلىباەۆقا قازاقستان قۇراماسىنا بارلىق جاعدايدى جاساپ كەلە جاتقانى ءۇشىن العىسىن ءبىلدىرىپ, بولاشاقتا ازيا ويىندارى, الەم چەمپيوناتى مەن وليمپيادادا ەلىمىزدىڭ ءۇمىتىن اقتاۋعا تىرىساتىندارىن مالىمدەدى. وسى جەردە م.ايتجانوۆ كەلەسى وليمپيادادا ۇلتتىق قۇراما 3 نەمەسە 4 التىن مەدال الۋدى جوسپارلاپ وتىرعانىن ءبىلدىردى.
فەدەراتسيا باسشىسى كەزدەسۋدە كوماندا مۇشەلەرىنە وسى جەتىستىكپەن شەكتەلمەي, الداعى كەزدە وتەتىن جارىستارعا بەلدىكتى بوساتپاي, ودان ءارى تياناقتى دايىندالۋدى تاپسىردى. سودان كەيىن ول فەدەراتسيا جۇمىسىنا توقتالىپ, الەم چەمپيوناتى كەزىندە, 24 قازان كۇنى ايبا بۇكىلالەمدىك بوكس اكادەمياسىنىڭ تۇساۋى كەسىلگەنىن اتاپ كورسەتتى. «جاقىندا الماتى وبلىسى تالعار اۋدانىندا ايبا مەن قازاقستان بوكس فەدەراتسياسىنىڭ اراسىندا جاسالعان كەلىسىمشارت نەگىزىندە الەمدە تەڭدەسى جوق وقۋ-سپورت كەشەنى بوي كوتەردى. ول الماتىنىڭ ىرگەسىندە, ىلە الاتاۋىنىڭ اسا كورنەكتى ءارى ەكولوگيالىق تازا ايماعىندا ورنالاسقان. بولاشاقتا اكادەميا ايبا-عا مۇشە ۇلتتىق فەدەراتسيالاردىڭ شەبەرلىگىن شىڭدايتىن مامانداندىرىلعان ورتالىققا اينالادى. مۇندا تەك سپورتشىلار عانا ەمەس, جاتتىقتىرۋشىلار, تورەشىلەر مەن ءدارىگەرلەر, سپورت مەنەدجەرلەرى مەن اكىمشىلىك قىزمەتكەرلەرىنە ارنالعان زامان تالابىنا ساي وقۋ كەشەنى مەن باعدارلامالار ۇسىنىلادى. بۇكىلالەمدىك بوكس اكادەمياسى جۇمىسىن كەلەسى جىلدىڭ ناۋرىز ايىندا باستايدى», – دەدى ول.
وسىدان كەيىن تيمۋر ق ۇلىباەۆ قازاقستان قۇراماسىنىڭ باس جاتتىقتىرۋشىسى مىرزاعالي ايتجانوۆقا, جاتتىقتىرۋشى مارات ەلەۋسىنوۆ پەن باسقا دا ماماندارعا, الەم چەمپيوندارى ءبىرجان جاقىپوۆقا, مەرەي اقشالوۆقا, دانيار ەلەۋسىنوۆ پەن جانىبەك ءالىمحان ۇلىنا, كۇمىس جۇلدەگەرلەر ادىلبەك نيازىمبەتوۆ پەن يۆان دىچكوعا, قولا جۇلدەگەرلەر قايرات ەراليەۆ پەن بەرىك ابدراحمانوۆقا اقشالاي سىياقى تابىس ەتتى.
داستان كەنجالين,
«ەگەمەن قازاقستان».
سۋرەتتى تۇسىرگەن
ورىنباي بالمۇرات.