قاپشاعاي قالاسى اكىمدىگىنىڭ جولاۋشىلار كولىگى جانە اۆتوموبيل جولدارى ءبولىمىنىڭ قىزمەتكەرلەرى جوندەلمەگەن جولدى جوندەلدى دەپ قابىلداۋ اكتىسىنە قول قويعان, دەپ حابارلايدى Egemen.kz حابار 24-كە سىلتەمە جاساپ.
زاڭسىز ارەكەتكە بارعانداردىڭ ءىسى اشكەرە بولىپ, ولارعا قاتىستى سوتالدى تەرگەۋ امالدارى باستالدى. كۇدىكتىلەرگە "جۇمىسپەن قامتۋدىڭ جول كارتاسى-2020" باعدارلاماسى اياسىندا زارەچنىي اۋىلدىق وكرۋگىندەگى جولعا بولىنگەن قاراجاتتى جىمقىردى دەگەن ايىپ تاعىلىپ وتىر.
جالپى جىل باسىنان بەرى سىبايلاس جەمقورلىققا قارسى ءىس قيمىل اگەنتتىگىنىڭ وبلىستىق دەپارتامەنتى 157 قىلمىستىق قۇقىق بۇزۋشىلىقتى تىركەگەن. سونىڭ 122-ءسى سىبايلاس جەمقورلىقپەن بايلانىستى. سوڭعىسى وسى قاپشاعايداعى جاعداي بولىپ وتىر. قىزمەتكەرلەردىڭ مەملەكەتكە اسا ءىرى كولەمدە شىعىن كەلتىرىلگەنى انىقتالعان.
ەربول قۇرمانباەۆ, قر سجقىق اگەنتتىگى الماتى وبلىسى بويىنشا دەپارتامەنتىنىڭ تەرگەۋشىسى: "ولار مەملەكەتكە 14 ملن تەڭگە اسا ءىرى كولەمدە زالال كەلتىردى. ولار كىناسىن مويىنداۋىنا بايلانىستى قاماۋعا الىنعان جوق, ياعني قازىر تەرگەۋ امالدارى جۇرگىزىلىپ جاتىر", دەيدى ول.