قازاقستاندا 2020 جىلعا قاراي ءبىرىنشى دارەجەلى اۆتوجولداردىڭ كولەمى 4 مىڭ شاقىرىمعا دەيىن جەتەتىن بولادى
بۇل تۋرالى الدىڭعى كۇنى كولىك جانە كوممۋنيكاتسيا ۆيتسە-ءمينيسترى مەرەكە پىشەمباەۆ قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا ايتتى.
قازاقستاندا 2020 جىلعا قاراي ءبىرىنشى دارەجەلى اۆتوجولداردىڭ كولەمى 4 مىڭ شاقىرىمعا دەيىن جەتەتىن بولادى
بۇل تۋرالى الدىڭعى كۇنى كولىك جانە كوممۋنيكاتسيا ۆيتسە-ءمينيسترى مەرەكە پىشەمباەۆ قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا ايتتى.«بىرىنشىدەن, بىزدە قازىر جۇكتەمەسى كوپ جولدار بارشىلىق. وندايلاردى ءبىز ءبىرىنشى تەحنيكالىق دارەجەگە كوشىرەمىز. ءبىزدىڭ سول ساناتقا ەنگىزىلگەن استانا–بۋراباي باعىتىنداعى ءبىرىنشى اۆتوبانىمىز 6 قاتار بەلدەۋلەردەن تۇرادى. قازىرگى ستاتيستيكانىڭ ءوزى مۇنداي جولدارداعى اپات سانى ادەتتەگى تراسسالارعا قاراعاندا – 3, ءولىم وقيعاسىنىڭ 22 ەسە از بولاتىنىن كورسەتىپ بەرىپ وتىر. سوندىقتان وسى العان باعىتىمىزدان اينىماي جانە قازىرگى قارجىلىق جاعدايىمىزدىڭ بۇعان مۇمكىندىك بەرەتىنىن پايدالانا كەلىپ, ءوزىمىزدىڭ جول باعدارلامامىزعا سايكەس, 2020 جىلعا قاراي ءبىرىنشى كاتەگورياداعى جولدار اۋقىمىن 4 مىڭ شاقىرىمعا جەتكىزۋدى جوسپارلاپ وتىرمىز», – دەدى ول.
ۆيتسە-مينيستر سونداي-اق قازىرگى كەزدەگى جول-كولىك وقيعالارىنىڭ ايتارلىقتاي اۋقىمدى ءبولىگى جولدا ءجۇرىپ كەلە جاتقان كولىكتەردىڭ قاراما-قارسى بەلدەۋگە شىعىپ كەتۋلەرىنەن ورىن الاتىنىنا دا نازار اۋدارىپ ءوتتى. ونىڭ سوزىنە قاراعاندا, جول بويىندا ءتورت ت ۇلىك تۇرلەرىمەن سوقتىعىسىپ قالۋدان بولىپ جاتاتىن اپاتتاردىڭ دا ۇلەس سالماعى از ەمەس.
«وسىعان وراي, «باتىس ەۋروپا – باتىس قىتاي» حالىقارالىق ءدالىزىنىڭ اۋماعىندا مال ايداپ وتەتىن 160 وتكەل جاساۋ كوزدەلگەن. بۇرىن جۇرگىزۋشىلەردىڭ ءتۇن كەزىندە تراسسا بويىندا جۇرگەن مالداردى سوعىپ كەتۋ دەرەكتەرى كوپ بولاتىن. قازىر ءبىز بۇل پروبلەمانى شەشتىك», – دەدى پىشەمباەۆ بۇدان ءارى.
ۆيتسە-مينيستر بۇدان كەيىن ەكىنشى تەحنيكالىق دارەجەدەگى جولدار ساناتىنا رەسپۋبليكالىق ماڭىزى بار 7 200 شاقىرىمدىق جول بولىگىنىڭ كىرەتىنىن ايتىپ ءوتتى.
سەرىك ءپىرنازار,
«ەگەمەن قازاقستان».