قر قك بش ۇيىمداستىرۋ-جۇمىلدىرۋ جۇمىستارى دەپارتامەنتىنىڭ باستىعى ساكەن ءجۇسىپوۆ بيىل كۇزدە 17 مىڭنان استام ازامات اسكەرگە شاقىرىلاتىنىن ايتتى, دەپ حابارلايدى Egemen.kz.
"ازاماتتاردى كۇزگى اسكەرگە شاقىرۋ باستالدى. جەرگىلىكتى اتقارۋشى ورگاندار قۇرعان مەديتسينالىق جانە اسكەرگە شاقىرۋ كوميسسيالارى ءوز جۇمىستارىنا كىرىستى. قىركۇيەكتەن جەلتوقسانعا دەيىنگى ارالىقتا قارۋلى كۇشتەر, باسقا دا اسكەرلەر مەن اسكەري قۇرالىمدار قاتارىنا 17 مىڭنان استام, 18-دەن 27 جاسقا دەيىنگى ەر ازاماتتاردى اسكەرگە شاقىرۋ جوسپارلانىپ وتىر. اسكەرگە شاقىرۋ جانە بەلگىلەنگەن مەرزىمدى وتكەرگەن مەرزىمدى قىزمەت اسكەري قىزمەتشىلەرىن زاپاسقا شىعارۋ كەزىندە قولدانىستاعى زاڭ باسشىلىققا الىنادى", دەدى ساكەن ءجۇسىپوۆ.
"اسكەري قىزمەت جانە اسكەري قىزمەتشىلەردىڭ مارتەبەسى تۋرالى" زاڭنىڭ 27-بابى ءۇشىنشى تارماعىنا سايكەس ازاماتتاردى اسكەرگە شاقىرۋدى جەرگىلىكتى اتقارۋشى ورگاندار ۇيىمداستىرادى.