دەنساۋلىق ساقتاۋ ءمينيسترى الەكسەي تسوي قازاقستاندا كوروناۆيرۋستىڭ ەكىنشى تولقىنى قاشان بولجاناتىنىن ايتتى, دەپ حابارلايدى Egemen.kz.
ء"بىز قازىرگى جاعدايعا تەك بولجام جاساپ باعاسىن ايتا الامىز. ءار كۇننىڭ كورسەتكىشتەرى ءارتۇرلى بولعاندىقتان, الداعى ەكى اپتانى عانا بولجاپ وتىرمىز. بۇل ماسكا تاعاتىن, قاشىقتىق ساقتاپ, كارانتين تالاپتارىن ورىندايتىن ادامداردىڭ ارەكەتىنە تىكەلەي بايلانىستى ەكەنىن ايتقىم كەلەدى. سىرقاتتانۋ جاعدايلارىن بولجاۋ ءۇشىن ءبىز ازاماتتاردىڭ اتالعان ماسەلەلەرگە قانشالىقتى كوڭىل بولەتىنىن ءتۇسىنۋىمىز كەرەك", دەدى ەلىمىزدىڭ باس دارىگەرى.
سونداي-اق, مينيستر قاراشا-جەلتوقسان ايلارىندا اۋرۋ سانى ءوسۋى مۇمكىن ەكەنىن ايتتى.
"بۇل ەكىنشى تولقىننىڭ بولجامدى ۋاقىتى. جاعداي ەلىمىزدە وسى كەزدەردە ءجيى تارالاتىن تۇماۋ ۆيرۋستارىنا دا بايلانىستى", دەدى ول.