پرەمەر-ءمينيستردىڭ ورىنباسارى ەرالى توعجانوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا وقۋشىلاردىڭ دەنساۋلىعى باستى نازاردا ەكەنىن اتاپ ءوتتى, دەپ حابارلايدى Egemen.kz.
ء"سوز جوق, بالالاردىڭ ءبىلىمى وتە ماڭىزدى. دەگەنمەن, ولاردىڭ دەنساۋلىعى باستى نازاردا. بۇل باعىت قازاقستان پرەزيدەنتى قاسىم-جومارت تواقاەۆتىڭ تىكەلەي نازارىندا. جالپى, قازاقستانداعى ەپيدەميولوگيالىق جاعداي تۇراقتى. بۇگىندە تاۋلىكتىك ءوسىم 0,1 پايىزدى قۇراپ وتىر. بۇگىنگى تاڭدا COVID-19 جۇقتىرۋدىڭ 86 جاعدايى تىركەلدى. 5 شىلدەدەن باستاپ ناۋقاستاردى جاتاتىن ورىنمەن قامتاماسىز ەتۋ قاجەتتىلىگى 6 ەسەگە, كۆي ماسەلەلەرى بويىنشا جەدەل مەديتسينالىق كومەككە شاقىرۋلار سانى 5,5 ەسەگە ازايدى. ناۋقاستاردىڭ 99 پايىزى ساۋىعىپ, امان-ەسەن وتباسىنا ورالدى. بۇل COVID-19-بەن كۇرەسۋدىڭ دۇرىس جولى تاڭدالعانىن جانە ونىڭ ناقتى ناتيجەسىن كورسەتەدى", - دەدى ەرالى توعجانوۆ.