پوليتسەيلەر "الاتاۋ" سپورت كەشەنىنىڭ جانىنا بومبا قويىلعانى جونىندە حابارلاعان ەر ادامدى ۇستادى, دەپ حابارلايدى Egemen.kz نۇر-سۇلتان قالالىق پوليتسيا دەپارتامەنتىنە سىلتەمە جاساپ.
"112" بىرىڭعاي شۇعىل قۇتقارۋ قىزمەتى ارناسىنا ءموبيلدى تەلەفوننان بەلگىسىز ەر ادام قوڭىراۋ شالىپ, بومبا قويىلعاندىعى جونىندە ايتقان.
كينولوگتار مەن جارعىش تەحنيكتەر عيماراتقا جانە سپورت كەشەنى اۋدانىنا قاراپ-تەكسەرۋ جۇرگىزگەن, الايدا جارىلعىش قۇرىلعى تابىلماعان. جەدەل-ىزدەستىرۋ ءىس-شارالارىنىڭ بارىسىندا تەرروريزم اكتىسى جونىندە حابارلاعان الكوگولدىك ماساڭ كۇيدەگى 39 جاسار ەر ادام انىقتالدى.
تەرگەۋ بارىسىندا كۇدىكتى ادامنىڭ بۇعان دەيىن ۇرلىق پەن الاياقتىق جاساعانى جانە ەسىرتكى زاتىن ساقتاعانى ءۇشىن بىرنەشە رەت قىلمىستىق جاۋاپتىلىققا تارتىلعانى انىقتالدى. ەر ادام قاماۋعا الىنىپ, پد تەرگەۋ يزولياتورىندا وتىر. اتالعان فاكتى بويىنشا قازاقستان رەسپۋبليكاسى قك-ءنىڭ 273-بابىمەن (تەرروريزم اكتiسi تۋرالى كورiنەۋ جالعان حابارلاۋ) تەرگەۋ جۇرگىزىلۋدە.
ەلوردا پوليتسەيلەرى ازاماتتار مەن ەلوردا تۇرعىندارىنا تەرروريزم اكتiسi تۋرالى جالعان حابارلاما ءۇشىن قىلمىستىق جاۋاپتىلىق كوزدەلگەنىن ەسكەرتەدى.
جىلدىڭ باسىنان باستاپ ەلوردادا تەرروريزم اكتىسى تۋرالى جالعان حابارلاما بەرۋدىڭ 6 فاكتىسى تىركەلگەن. پوليتسەيلەر اتالعان قىلمىس ءتۇرىن 100% اشتى.
جۇرگىزىلگەن تالداۋ ناتيجەسى تەرروريزم اكتىسى تۋرالى كورىنەۋ جالعان حابارلاما كوپ جاعدايدا كامەلەتكە تولماعانداردان, الكوگولدىك ماساڭ كۇيدەگى ادامداردان كەلىپ تۇسەتىنىن كورسەتىپ وتىر.
ويلانباي جاساعان تەرىس قىلىقتاردىڭ سالدارى ماتەريالدىق شىعىندى وتەۋمەن قاتار قىلمىستىق جاۋاپتىلىققا اكەپ سوقتىراتىنى ەسىڭىزدە بولسىن.