"قازگيدرومەت" رمك اۋا رايىنىڭ ناشارلاۋىنا بايلانىستى بىرنەشە وڭىردە ەسكەرتۋ جاريالادى, دەپ حابارلايدى Egemen.kz قازاقپاراتقا سىلتەمە جاساپ.
اتاپ ايتقاندا, 9 قىركۇيەك كۇنى تۇندە قوستاناي وبلىسىنىڭ شىعىسىندا -1-3 گرادۋس ۇسىك كۇتىلەدى. تۇندە جانە تاڭەرتەڭ كەي جەرلەردە تۇمان بولادى. 9 قىركۇيەكتە باتىس قازاقستان وبلىسىنىڭ كەي جەرلەرىندە نايزاعاي, داۋىل, بۇرشاق بولجانادى.
وڭتۇستىكتەن سوققان جەلدىڭ ەكپىنى 15-20 م/س ارتادى. 9-10 قىركۇيەكتە قاراعاندى وبلىسىنىڭ كەي جەرلەرىندە تۇمان كۇتىلەدى. تۇندە جەكەلەگەن اۋماقتاردا -1-3 گرادۋس ۇسىك ساقتالادى.
9-10 قىركۇيەكتە پاۆلودار وبلىسىنىڭ كەي جەرلەرىندە تۇمان, -1-3 گرادۋس ۇسىك بولجانادى.
9 قىركۇيەكتە نۇر-سۇلتان قالاسىندا تۇندە توپىراق بەتىندە 2 گرادۋس ۇسىك كۇتىلەدى.
9 قىركۇيەكتە اتىراۋ وبلىسىندا نايزاعاي كۇتىلەدى. جەل وڭتۇستىك-شىعىستان, وڭتۇستىكتەن سوعادى, كۇشى كۇندىز كەي جەرلەردە 15-20 م/س بولادى. كۇندىز جەكەلەگەن اۋماقتاردا توتەنشە ءورت قاۋپى ساقتالادى.
9 قىركۇيەكتە تاڭەرتەڭ جانە كۇندىز قىزىلوردا وبلىسىندا سولتۇستىك-شىعىستان جەل سوعادى, كۇشى كەي جەرلەردە 15-20 م/س جەتەدى. كۇندىز توتەنشە ءورت قاۋپى ساقتالادى.
9 قىركۇيەك كۇنى تۇندە اقمولا وبلىسىنىڭ كەي جەرلەرىندە -1-3 گرادۋس ۇسىك كۇتىلەدى. تۇندە جانە تاڭەرتەڭ جەكەلەگەن اۋماقتاردا تۇمان بولادى.
9 قىركۇيەكتە تۇركىستان وبلىسىنىڭ كەي جەرلەرىندە سولتۇستىك-شىعىستان سوعاتىن جەلدىڭ كۇشى 15-20 م/س ارتادى.
9 قىركۇيەكتە شىعىس قازاقستان وبلىسىنىڭ كەي جەرلەرىندە نايزاعاي بولجانادى. تۇندە شىعىستا تاۋلى ايماقتاردا جاڭبىر جاۋىپ, سوڭى قارعا ۇلاسادى. تۇندە جانە تاڭەرتەڭ تۇمان كۇتىلەدى. سولتۇستىك-باتىستان, سولتۇستىكتەن جەل سوعادى, كۇندىز جىلدامدىعى 15-20 م/س جەتەدى.