الماتى تۇرعىندارى كوممۋنالدىق قىزمەتكە ەكى ملرد تەڭگە قارىز, دەپ حابارلايدى Egemen.kz قازاقپاراتقا سىلتەمە جاساپ.
"كوممۋنالدىق قىزمەتتەرگە قارىز بولىپ قالعانداردان بەرەشەكتى ءوندىرىپ الۋ بويىنشا جۇمىستار ۇزدىكسىز جۇرگىزىلەدى. بايلانىس ورتالىعىنىڭ ماماندارى قارىزى بار تۇرعىندارعا ۇنەمى قوڭىراۋ شالىپ, بەرەشەگى بار ەكەنىن ەستەرىنە سالىپ, ەسكەرتۋ قاعازدارىن جىبەرەدى", دەپ حابارلادى الماتى قالاسىنىڭ ەنەرگوتيىمدىلىك جانە ينفراقۇرىلىمدىق دامۋ باسقارماسى.
ءبىرىنشى قىركۇيەكتەگى جاعداي بويىنشا, الماتى قالاسىنداعى كوممۋنالدىق قىزمەتتەر ءۇشىن قارىزى 4,5 ملرد تەڭگەنى قۇرايدى. ونىڭ ىشىندە تۇرعىندار - 2 ملرد تەڭگە, زاڭدى تۇلعالار - 2,5 ملرد تەڭگە قارىز.