ۇلتتىق بانك توراعاسىنىڭ ورىنباسارى اقىلجان بايماعامبەتوۆ ماكروەكونوميكالىق جاعداي تۋرالى ايتتى, دەپ حابارلايدى Egemen.kz قازاقپاراتقا سىلتەمە جاساپ.
"بازالىق ستسەناري بويىنشا ىشكى سۇرانىس پەن ەكسپورتتىڭ تومەندەۋىنە بايلانىستى 2020 جىلى جالپى ىشكى ءونىم 2-2,3% تومەندەيدى. تۇتىنۋشىلاردىڭ سۇرانىسى قىسقارادى دەپ كۇتىلۋدە.پاندەمياعا بايلانىستى حالىقتىڭ اقشالاي كىرىسى ازايدى. مۇناي باعاسىنىڭ تومەندەۋى, سونداي-اق ەكونوميكالىق بەلسەندىلىكتىڭ قىسقارۋى جانە تشو قۇرىلىسىنداعى ينۆەستيتسيالىق بەلسەندىلىكتىڭ باسەڭدەۋ نەگىزگى فاكتورلار بولادى", دەدى اقىلجان بايماعامبەتوۆ.
سونىمەن قاتار, ول سىرتقى سۇرانىستىڭ تومەندەۋىنە جانە وپەك + كەلىسىمى بويىنشا ءوندىرىس كولەمىنىڭ قىسقارۋىنا بايلانىستى ەكسپورت تەرىس ديناميكانى كورسەتەتىنىن اتاپ ءوتتى.
ء"بىزدىڭ جاڭارتىلعان بولجامىمىزعا سايكەس, جىلدىق ينفلياتسيا 2020 جىلدىڭ سوڭىنا قاراي 8% قۇرايدى, ياعني بۇرىن جاريالانعان 8-8,5% ارالىعىندا تومەنگى شەككە جاقىن بولادى. ينفلياتسيالىق پروتسەستەر ازىق-ت ۇلىك باعالارىنىڭ ۇزدىكسىز وسۋىنە بايلانىستى. سونىمەن قاتار, اقىلى قىزمەتتەر باعاسىنىڭ ءوسۋ مۇمكىندىگىمەن بايلانىستى ينفلياتسيالىق تاۋەكەلدەردىڭ پايدا بولۋ ىقتيمالدىلىعى بار. دەسەك تە, حالىقتىڭ ناقتى اقشالاي كىرىستەرىنىڭ ءالسىز ديناميكاسى مەن الەمدىك ازىق-ت ۇلىك تاۋارلارىنىڭ باعاسى تومەندەيدى دەپ كۇتىلۋدە. ياعني, بۇل 2020 جىلى ينفلياتسيانىڭ ءوسۋىن شەكتەيدى", دەدى اقىلجان بايماعامبەتوۆ.
ونىڭ ايتۋىنشا, 2021 جىلدىڭ اياعىندا ينفلياتسيا بىرتىندەپ باياۋلاپ, 4-6 %-دىق دەڭگەيدە تۇراقتاناتىنىن تىلگە تيەك ەتتى. «ينفلياتسيانىڭ ەداۋىر باياۋلاۋى 2021 جىلى رەسپۋبليكالىق بيۋدجەتتىڭ جوعارى تاپشىلىعىمەن جانە 2020 جىلعا قاراعاندا سىرتقى ينفلياتسيالىق فوننىڭ شامالى وسۋىمەن شەكتەلەدى»,– دەدى ول.