قازاقستاندا سوڭعى جيىرما جىلدا بولماعان جاۋىن-شاشىن رەكوردى تىركەلدى

قازاقستاننىڭ سولتۇستىك-باتىسىندا, باتىسىندا جانە وڭتۇستىگىندە جاۋىن-شاشىن نورماسىنان ءبىر-ءتورت ەسە كوپ تۇسكەن, دەيدى سينوپتيكتەر. مىسالى, 6 تامىزعا قاراعان ءتۇنى ماڭعىستاۋ وبلىسىنىڭ اقتاۋ مەتەوستانتسياسىنا 66 ميلليمەتر جاڭبىر ءتۇسىپ, ايلىق نورمادان 11 ەسە اسىپ كەتتى ء(بىر ايداعى نورما - التى ميلليمەتر). بۇل باقىلاۋ تاريحىنداعى رەكوردتىق كورسەتكىش بولدى.

سونىمەن قاتار, "قازگيدرومەت" مالىمەتىنشە, قىزىلوردا وبلىسىندا شيەلى مەتەوستانتسياسىندا 1 تامىزدا ايلىق ورتاشا نورما ەكى ميلليمەتر بولعان كەزدە جاۋىن 17 ميلليمەتر تۇسكەن. بۇل ستانتسيا ءۇشىن مەتەوباقىلاۋدىڭ بارلىق قاتارى ءۇشىن رەكورد بولدى.

"تۇركىستان وبلىسىنىڭ قازىعۇرت مەتەوستانتسياسىندا 26 تامىزدا ايلىق نورما ءتورت ميلليمەتر بولسا, وسى كەزدە 15 ميلليمەتر ءتۇسىپ كەتتى, بۇل شامامەن ءتورت ايلىق نورما. مۇنداي جاعدايلار از, شامامەن 20 جىل بۇرىن 2001 جىلى وسى مەتەوستانتسيادا 14 ميلليمەتر تىركەلدى", دەپ ءتۇسىندىردى "قازگيدرومەت".