قىتاي ونەرتاپقىىشتارى الەمدەگى العاشقى كوزدىڭ كورۋىنە قاتەر توندىرمەيتىن ديسپلەي ويلاپ تاپتى, دەپ حابارلايدى Egemen.kz. بۇل تۋرالى Naked-science باسىلىمى حابارلاعان.
بۇل جاڭا تەحنولوگيانى TCL بەرليندەگى IFA 2020 كورمەسىندە العاش رەت ۇسىندى. ازىرلەۋشىلەر پايدالانۋشىلاردىڭ كورۋ قابىلەتىنە كەرى اسەر ەتپەيتىن ەكراندار شىعارۋدى ماقسات تۇتقان. NXTPAPER قازىردىڭ وزىندە كوزدى قورعاۋ تەحنولوگياسىنا 11 پاتەنت الىپ ۇلگەرىپتى. سونداي-اق رەيندەگى نەمىس زەرتحاناسىنان, SGS شۆەيتساريالىق زەرتحاناسىنان جانە VDE قاۋىمداستىعىنان ءتيىستى سەرتيفيكاتتار الدى.
ء"بىزدىڭ جوبامىز قازىر وتە ماڭىزدى, ويتكەنى كوپتەگەن قولدانۋشىلار ۇيدەن جۇمىس ىستەۋگە جانە ەكراننىڭ الدىندا كوپ ۋاقىت وتكىزۋگە ءماجبۇر. ءبىز جەر شارىنىڭ كەز كەلگەن نۇكتەسىنەن ءونىمدى بولۋعا جانە دەنساۋلىقتى ساقتاۋعا كومەكتەسەتىن قۇرىلعىلار جاساۋ كەرەك دەپ شەشتىك", دەدى TCL باس مەنەدجەرى دجەففەرسون لي.
زەرتتەۋلەر ەكى جىل بويى جۇرگىزىلگەن. ناتيجەسىندە كومپانيا nxtpaper - ەلەكتروندى كىتاپتاردا تۇرعان ەكراندارعا E-Ink بالاما ۇسىندى.
بولاشاقتا تەحنولوگيا سۇيىق كريستالدى ديسپلەيلەردى الماستىرا الادى. ويتكەنى, جاڭا ديسپلەيدىڭ تۇستەر پاليتراسى كەڭىرەك, ال جاڭارتۋ جيىلىگى مەن پيكسەل تىعىزدىعى الدەقايدا جوعارى. وسىنىڭ ارقاسىندا پانەل كەز-كەلگەن جارىقتا جىلتىرلىعى جوق Full HD رەتىندە بەينەنى كورسەتەدى جانە ءىس جۇزىندە كوك جارىق شىعارمايدى, ال ۇزاق جۇمىس كەزىندە كوزدى شارشاتپايدى.
جوعارى شاعىلىسپالى ەكران تۇستەردى جاقسى كورسەتۋ ءۇشىن تابيعي جارىقتى پايدالانادى جانە كورۋ جۇكتەمەسىن ازايتادى. ازىرلەۋشىلەر بۇل جاڭا تەحنولوگيانى "كوزگە زيان تيگىزبەيتىن الەمدەگى العاشقى ديسپلەي" دەپ مالىمدەدى.