بەتى بويالماعان شىندىق

ەگەر نۇرسۇلتان نازارباەۆ جاڭا قازاقستاندى قۇرسا, قاسىم-جومارت توقاەۆ وسىنىڭ ەرتەڭگى كۇنىنە ەلدىڭ كوشىن شاشپاي-توكپەي تۇتاس كۇيىندە باستاپ الىپ بارۋعا بارىن سالۋدا. حالىقتىڭ وي-ساناسىن وياتىپ, ادىلدىك پەن ادالدىققا, جانكەشتى ەڭبەككە بەتبۇرىس جاساۋدى جاڭا تۇرپاتپەن قولعا الدى. مەملەكەت باسشىسىنىڭ جولداۋىنان وسىنى اڭعارامىز.

ءيا, قازىر وڭاي ءتيىپ جاتقان جوق. توتەننەن ءتونىپ كەلگەن ىندەت­تەن الەم حالقى تەڭسەلىپ قالدى. ونىڭ ەمى تابىلار. ال توتەن­نەن ەمەس, ادامداردىڭ دەنىن­دە پايدا بولعان جانە ەتەك الا باس­تاعان جەمقورلىقتىڭ ارنا­يى ءدارىسى جوق. اۋەلى مىنانى ايتساق. جولداۋدا قازىرگى جاعدايى­مىز­دىڭ ءبارى ايتىلدى. ءبارى تارازىلاندى, تانىمدىق تۇرعىدا تامىرى تارقاتىلدى. بۇل ەلدىڭ ەس جيۋىنا زور اسەر ەتتى. ەڭسەسىن كوتەرۋگە تىكەلەي ىقپال جاسادى.

مەن مەملەكەت باسشىسىنىڭ جولداۋىنداعى جەمقورلىق ىندەتكە قوزقاراسىنا ەرەكشە توقتالعىم كەلەدى. قۇلقىننىڭ ق ۇلىنا اينالىپ, اشكوزدەنگەن ادامداردىڭ ىشكى نيەت, پەيىلىنىڭ دياگنوزىن قالاي قويۋعا بولادى؟ لاۋازىمداعىلاردىڭ اراسىنداعى تويىمسىزدىق بۇل جاي عانا قىلمىس ەمەس, بۇل – ۇلتقا ۇيات كەلتىرەتىن قاسىرەت. ءوز حالقىنىڭ تاباناقى, ماڭداي تەرىنە اياۋسىز قول سالعانداردىڭ حالىق پەن قۇدايدىڭ قارعىسى­نا ۇشىرايتىنى ءبىر باسقا. ول ۇرپاقتىڭ نامىسىنا تيەتىن ارسىز قۇبىلىس. مۇنداي جاعدايدا مەم­لەكەت باسشىسى وندايلارمەن ەشۋا­قىتتا قولتىقتاسىپ كەتە المايدى.

جولداۋدا قاسىم-جومارت توقاەۆتىڭ ايقىن ەسكەرتۋى شەكسىز بايىپ, قالىڭ بۇقاراعا شەكەسىنەن قاراپ جۇرگەن توپقا سوققى بولىپ ءتيىپ جاتقانىن بۇقارا ءبىلىپ وتىر. مەملەكەتتىك مۇددەدەگى كەسىمدى كەمەل ءسوز بەن ۇستانىم كەزەكتى رەفورما­نىڭ پارمەنىن ۇقتىر­دى. قوعامداعى جاڭا ءبىر سانالىق قوزعالىستان حابار بەرەتىن بۇل ساياسي وقيعا ءبارىمىزدىڭ كوزىمىز­دى اشتى. ەڭ باستىسى بۇل قۇن­دى قۇجات پرەزيدەنتتىڭ و باستاعى ۇستانىمى – قوعامنىڭ بەتى بويالماعان شىندىعى. كەلەر كۇندەرىمىزگە قاق­تىرماي-سوق­تىرماي الىپ باراتىن ايبىندى جول وسى.

نەسىپبەك داۋتاي ۇلى,

جازۋشى, قازاقستاننىڭ ەڭبەك سىڭىرگەن قايراتكەرى