وسىعان بايلانىستى, "اتامەكەن" ۇكپ مەن تۋريزم قاۋىمداستىعىنىڭ ۇسىنىستارى نەگىزىندە تۋريستىك قىزمەت سۋبەكتىلەرىن قولداۋ بويىنشا ىنتالاندىرۋ شارالارىن قۇرۋ ماقساتىندا داعدارىسقا قارسى جەدەل شارالار قابىلداندى. بۇل تۋرالى بۇگىن وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق تۋريزم باسقارماسىنىڭ باسشىسى گ.احبەرديەۆا مالىمدەدى.
ونىڭ ايتۋىنشا, كارانتين رەجيمىنە بايلانىستى جۇمىسىن توقتاتۋعا ءماجبۇر بولعان كاسىپكەرلىك نىسانداردى تىعىرىقتان شىعارۋ ءۇشىن مەملەكەت تاراپىنان كوپتەگەن قولداۋ مەن جەڭىلدىكتەر قاراستىرىلىپ وتىر.
"داعدارىس كەزىندە تۋريزم, قوعامدىق تاماقتانۋ جانە قوناق ءۇي قىزمەتتەرى سالاسىندا كاسىپكەرلىك قىزمەتتى جۇزەگە اسىراتىن زاڭدى تۇلعالار مەن جەكە كاسىپكەرلەر م ۇلىك سالىعىنان بوساتىلىپ وتىر. سونداي-اق, بارلىق سالىقتار مەن بيۋدجەتكە تولەنەتىن باسقا دا مىندەتتى تولەمدەر, الەۋمەتتىك تولەمدەر بويىنشا تولەۋ مەرزىمى 2020 جىلعى 1 شىلدەگە دەيىن ۇزارتىلدى. جانە شاعىن جانە ورتا كاسىپكەرلىك سۋبەكتىلەرىنە سىياقىنى, ايىپپۇلداردى جانە تولەمدەردى كەشىكتىرۋ بويىنشا ءوسىمپۇلداردى ەسەپتەمەۋ بولىگىندە جەڭىلدىكتەر ەنگىزىلدى. ودان بولەك, بانكتىك قارىز شارتتارى بويىنشا تولەمدەر بويىنشا 90 كۇنتىزبەلىك كۇنگە دەيىنگى مەرزىمگە كەيىنگە قالدىرۋ ۇسىنىلدى. 1 ساۋىردەن 1 قازانعا دەيىن شاعىن جانە ورتا كاسىپكەرلىك سۋبەكتىلەرى ەڭبەكاقى تولەۋ قورىنان سالىق جانە باسقا دا تولەمدەردى تولەۋدەن بوساتىلدى. سونىمەن قاتار, جالاقىسى ساقتالمايتىن دەمالىسقا جىبەرىلگەن تۋريزم سالاسىنىڭ قىزمەتكەرلەرى قاتاڭ شەكتەۋلى كارانتيندىك شارالار كەزەڭىندە ەڭ تومەنگى جالاقى (42 500 تەڭگە) مولشەرىندە قوسىمشا الەۋمەتتىك تولەمدەرمەن قامتىلدى", دەدى باسقارما باسشىسى.
بۇگىنگى تاڭدا مەملەكەت تاراپىنان قالانى عانا ەمەس, جالپى وبلىستى دامىتۋعا ەرەكشە كوڭىل بولىنۋدە. ينفراقۇرىلىمدى جاڭعىرتۋ شەڭبەرىندە بەلسەندى جۇمىستار جۇرگىزىلۋدە, جاڭا ينۆەستيتسيالار تارتىلۋدا. وسى رەتتە, تۋريستىك بيزنەس وكىلدەرىن زاڭنامالىق دەڭگەيدە ودان ءارى ىنتالاندىرۋ ماقساتىندا مادەنيەت جانە سپورت مينيسترلىگىنىڭ تۋريزم يندۋسترياسى كوميتەتى سالانى قالپىنا كەلتىرۋگە جانە ودان ءارى دامىتۋعا باعىتتالعان بىرقاتار شارالاردى پىسىقتاۋدا.