وزبەكستان قازاقستانمەن ارادا قاتىنايتىن اۋە رەيستەرىن قالپىنا كەلتىردى, دەپ حابارلايدى Egemen.kz Uzbekistan Airways اق كومپانياسىنا سىلتەمە جاساپ.
اتاپ ايتقاندا, تاشكەنت – الماتى – تاشكەنت باعىتىنداعى العاشقى رەيس 11 قىركۇيەككە بەلگىلەنىپ, اپتاسىنا ءبىر رەت (جۇما كۇنى) ۇشادى.
تاشكەنت – دۋباي-تاشكەنت – 4 قىركۇيەكتەن باستاپ اپتاسىنا ءبىر رەت (جۇما); تاشكەنت – فرانكفۋرت – تاشكەنت – 10 قىركۇيەكتەن باستاپ اپتاسىنا 1 رەت (بەيسەنبى); تاشكەنت – الماتى – تاشكەنت – 11 قىركۇيەكتەن باستاپ اپتاسىنا 1 رەت (جۇما); تاشكەنت – بىشكەك – تاشكەنت – 14 قىركۇيەكتەن باستاپ اپتاسىنا 1 رەت (دۇيسەنبى); تاشكەن – ىستامبۋل – تاشكەنت – 4, 7, 11, 14, 16, 18, 21, 23, 24, 25, 28 جانە 30 قىركۇيەك كۇندەرى.اتالعان ەلدەردەن Uzbekistan Airways اك رەيستەرىمەن وزبەكستانعا ۇشۋدى جوسپارلاپ وتىرعان جولاۋشىلار رەيستىڭ ۇشۋىنا دەيىن 72 ساعات جارامدى بولاتىن COVID-19 ينفەكتسياسىنا (پتر ادىسىمەن) تاپسىرىلعان تەست تۋرالى انىقتامانى ۇسىنۋى ءتيىس.
بۇدان بولەك, گەرمانيا, قازاقستان, قىرعىزستان, ءباا, تۇركيا ەلدەرىنەن تۇراقتى رەيسپەن ۇشىپ كەلەتىن جولاۋشىلاردىڭ قولىندا COVID-19 تەرىس ناتيجەسىن كورسەتەتىن انىقتاما بولۋى كەرەك. ولار تەرمومەتريادان ءوتىپ, 14 كۇن ءوزىن-ءوزى وقشاۋلاۋعا مىندەتتەيتىن انكەتانى تولتىرۋى قاجەت.