قۇرىلىسشىلاردا بىرىڭعاي تەحنيكالىق ءتىل بولادى

بۇل جۇيە حالىقارالىق ستاندارتتاردىڭ تالاپتارىنا سايكەس قۇرىلىس اقپاراتىن بىرىڭعاي تەحنيكالىق تىلدە جۇيەلەۋگە, باسقارۋعا جانە الماسۋعا مۇمكىندىك بەرەتىن بەلگىلەۋ جۇيەسى بولىپ تابىلادى.

قجكبج-ءىن ازىرلەۋدى قۇرىلىس سالاسىنا قۇرىلىس وبەكتىلەرىن اقپاراتتىق مودەلدەۋ تەحنولوگياسىن (قوامت) ەنگىزۋ شەڭبەرىندە قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنىڭ («قازقسعزي» اق) ماماندارى ورىندادى. قوامت وبەكتىنى قۇرۋ يدەياسىنان باستاپ ونى ىسكە اسىرۋمەن اياقتالاتىن, قۇرىلىس وبەكتىسىنىڭ ومىرلىك تسيكلىنىڭ (قووتس) بارلىق كەزەڭدەرىندە اقپاراتتى باسقارۋعا مۇمكىندىك بەرەدى.

قووتس - ءنىڭ ءارتۇرلى كەزەڭدەرىندە وبەكتىنىڭ اقپاراتتىق مودەلىن قۇرۋ كەزىندە, ماماندار الدىڭعى نەمەسە كەيىنگى كەزەڭنىڭ جىكتەۋ جۇيەسىنە سايكەس كەلمەۋى مۇمكىن قۇرىلىس ەلەمەنتتەرىن جىكتەۋدىڭ وزىندىك جۇيەسى بار ءارتۇرلى باعدارلامالاردى پايدالانادى, تيىسىنشە قۇرىلىس اقپاراتىنىڭ ءبىر بولىگى ءبىر ومىرلىك كەزەڭنەن ەكىنشىسىنە اۋىسقان كەزدە ءىشىنارا نەمەسە تولىعىمەن جوعالۋى مۇمكىن. قجكبج بۇل ماسەلەنى جويۋعا باعىتتالادى.

جالپى ايتقاندا, جۇيەدە 1000 - عا جۋىق سانات بار, بۇل عيماراتتىڭ قۇرىلىس وبەكتىسىنىڭ ءار ەلەمەنتىن (شاتىر, قابىرعالار, توبەلەر جانە جەر ءۇستى جۇيەسى) تەحنيكالىق جانە فۋنكتسيونالدىق ماقساتى بويىنشا جىكتەۋگە مۇمكىندىك بەرەدى.

ودان بولەك, "قازقسعزي" اق ماماندارى ورىندايتىن جىكتەۋ جۇيەسىن باعا بەلگىلەۋدە قولدانىلاتىن رەسۋرستىق ءادىس جىكتەۋىشىمەن ينتەگراتسيالاۋ, بولاشاقتا قۇرىلىس ەلەمەنتىنىڭ تەحنيكالىق سيپاتتامالارىن قۇندىق كورسەتكىشتەرمەن بايلانىستىرۋعا جانە تيىسىنشە وبەكتىنى مودەلدەۋ كەزەڭىندەگى اعىمداعى قۇنىن ايقىنداۋعا مۇمكىندىك بەرەدى.

بىرىڭعاي جىكتەۋ جۇيەسى حالىقارالىق ستاندارتتار نەگىزىندە جاسالعانىن اتاپ وتكەن ءجون, بۇل ءوز كەزەگىندە شەتەلدىك ماماندارمەن بىرگە اقپاراتتىق مودەلمەن جۇمىس ىستەۋگە مۇمكىندىك بەرەدى.

بۇدان باسقا, قازاقستاننىڭ قۇرىلىستاعى جىكتەۋ جانە كودتاۋ جۇيەسىندەگى تاجىريبەسىن تمد ەلدەرىنىڭ ماماندارى پايدالانادى دەپ جوسپارلانۋدا.