پارلامەنت سەناتىنىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى ۆلاديمير ۆولكوۆ حالىق قالاۋلىلارىنىڭ حالىق يگىلىگىنە جۇمىس ىستەيتىن زاڭدار قابىلدايتىنىن ايتتى, دەپ حابارلايدى Egemen.kz.
"قازاقستان پرەزيدەنتىنىڭ حالىققا جولداۋى رەسپۋبليكانىڭ ءاربىر تۇرعىنى ءۇشىن ماڭىزدى وقيعا, ويتكەنى وندا ەلدىڭ ودان ءارى دامۋ باعىتتارى بەلگىلەنگەن. مەملەكەت باسشىسى پاندەميا مەن الەم ەكونوميكاسىنىڭ قۇلدىراۋىنا بايلانىستى ءومىردىڭ بارلىق سالالارىنداعى داعدارىستان شىعۋعا مۇمكىندىك بەرەتىن ماڭىزدى رەفورمانى ىسكە قوستى.
پرەزيدەنت قيىن كەزەڭگە قاراماستان مەملەكەت قول جەتكىزگەن جەتىستىكتەرمەن توقتاپ قالماۋى ءتيىس ەكەنىن ءارى الەۋمەتتىك, ەكونوميكالىق جانە باسقا دا سالالاردى دامىتۋدىڭ جاڭا مۇمكىندىكتەرى ىزدەستىرىلە بەرىلەتىنىن اتاپ ءوتتى.
مەملەكەت باسشىسى ق.توقاەۆ جولداۋدا «حالىق ۇنىنە قۇلاق اساتىن مەملەكەت» تۇجىرىمداماسى اياسىندا قۇقىق قورعاۋ جانە سوت جۇيەسىن ودان ءارى رەفورمالاۋ جونىندە ناقتى تاپسىرمالار بەردى.
ازاماتتاردىڭ كونستيتۋتسيالىق قۇقىقتارى مەن بوستاندىقتارىن قورعاۋ باستى باسىمدىق بولىپ قالا بەرەدى. جان-جاعىمىزدىڭ قارقىندى وزگەرىپ جاتقانىن, ەلدەگى قازىرگى جاعدايدى ەسكەرە وتىرىپ, پوليتسيا مەن ازاماتتار اراسىنداعى جۇمىستىڭ جاڭا وزىق ادىستەرى ەنگىزىلەتىن بولادى.
ازاماتتاردىڭ قۇقىقتارىن قورعاۋدى كۇشەيتۋ, ولاردى قىلمىستىق قۋدالاۋ اياسىنا نەگىزسىز تارتۋدى جويۋ ماقساتىندا پرەزيدەنت قازاقستاندا وكىلەتتىكتەرىن ناقتى بولە وتىرىپ, ءۇش بۋىندى: پوليتسيا-پروكۋرور-سوت ۇلگىسىن ەنگىزۋدى تاپسىردى, بۇل تەجەمەلىك جانە تەپە-تەڭدىك جۇيەسىن نىعايتۋعا مۇمكىندىك بەرەدى.
جەرگىلىكتى پوليتسيا قىزمەتى ء"بىر قادامدىق قولجەتىمدىلىكتەگى پوليتسيا" قاعيداتى بويىنشا رەفورمالاناتىن بولادى, وندا ۋچاسكەلىك ينسپەكتوردىڭ مارتەبەسىن زاڭنامالىق دەڭگەيدە كوتەرۋ ارقىلى ولارعا باستى ءرول بەرىلەدى.
سونىمەن قاتار, پرەزيدەنت زاڭ شىعارۋ مەن زاڭداردى قابىلداۋدىڭ باياۋلىعىنا جانە نورماتيۆتىك قۇقىقتىق اكتىلەردى قۇقىقتىق رەگلامەنتتەۋ دەڭگەيىنىڭ تەڭگەرىمىنە ەرەكشە نازار اۋدارىپ وتىر.
جولداۋدىڭ اياسىندا قىلمىستىق جانە قىلمىستىق ءىس جۇرگىزۋ كودەكستەرىنە ءجيى وزگەرىستەر ەنگىزۋ ماسەلەلەرىنىڭ ماڭىزى زور ەكەنى ايتىلدى, ويتكەنى قۇقىق قولدانۋشىلار مەن ازاماتتار ءۇشىن قولدانىستاعى زاڭداردىڭ تۇراقتىلىعى ماڭىزدى.
بەلگىلەنگەن جوسپاردى ىسكە اسىرۋ ءۇشىن بەرىلگەن بارلىق تاپسىرمالاردى شەشۋگە باعىتتالعان بىرقاتار زاڭنامالىق اكتىلەردى قابىلداۋ قاجەت, ال دەپۋتاتتىق كورپۋستىڭ مىندەتى - حالقىمىزدىڭ يگىلىگى ءۇشىن جۇمىس ىستەيتىن ساپالى زاڭدار قابىلداۋ بولىپ وتىر", ەدى سەنات دەپۋتاتى.