مەملەكەت باسشىسى قاسىم-جومارت توقاەۆ ءوز جولداۋىن جاريالاۋ بارىسىندا ەڭ الدىمەن دارىگەرلەرگە, قۇقىق قورعاۋ سالاسىنىڭ قىزمەتكەرلەرى مەن ەرىكتىلەرگە العىس ايتتى. بۇل العىس بۇكىل ەلدىڭ اتىنان ايتىلعان العىس بولدى دەپ ەسەپتەيمىن. سەبەبى, ىندەتپەن كۇرەس كەزىندە ەڭ باستى اۋىرتپالىق وسى ماماندارعا ءتۇستى.
مەملەكەت باسشىسى جولداۋىندا قازىرگى داعدارىستان شىعۋدىڭ ناقتى جولدارىن ۇسىندى.
سونىڭ ءبىرى – شەنەۋنىكتەر مەن كۆازيمەملەكەتتىك سەكتورداعى ماماندار سانىن قىسقارتۋ ارقىلى ۇنەمدەلگەن قارجىنى سول سالادا اۋقىمدى ەڭبەك ەتكەن قىزمەتكەرلەرگە باللدىق شكالامەن جالاقى رەتىندە تولەۋ. بۇعان قوسا اۋىل-ايماقتى دامىتىپ, اۋىل اكىمدەرىن سايلاۋ ماسەلەسى كوتەرىلدى. سەبەبى, اۋىل تىرشىلىگى تۇزەلمەي, ەل ءومىرى تولىق دامىدى دەي المايمىز.
پرەزيدەنت جولداۋىندا قوعامنىڭ بارلىق سالاسى قامتىلىپ, ادەتتەگىدەي, الەۋمەتتىك ماسەلەلەرگە ەرەكشە ءمان بەرىلدى. قازىرگى تاڭدا دەنساۋلىق ساقتاۋ سالاسى باستى نازاردا تۇر. وسىعان وراي بارلىق ءدارى-دارمەك پەن مەديتسينالىق قۇرالدار ەلىمىزدە شىعارىلۋى ءتيىس, دەدى مەملەكەت باسشىسى. ال دارىگەرلەردىڭ جالاقىسى الداعى ۋاقىتتا كوتەرىلمەك. مۇعالىمدەردىڭ ەڭبەكاقىسى دا وسىرىلەدى.
پرەزيدەنتتىڭ تاپسىرماسى بويىنشا پاندەميامەن كۇرەس جونىندە كەشەندى باعدارلاما دايىندالادى. الداعى ۋاقىتتا الەۋمەتتىك كودەكس ازىرلەنىپ, 2023 جىلعا دەيىن الەۋمەتتىك تولەمدەردى يندەكساتسيالاۋعا 1 ترلن تەڭگە بولىنبەك.
مۇنىڭ بارلىعىن جۇزەگە اسىرۋ ءۇشىن كەدەرگى بولۋى مۇمكىن سىبايلاس جەمقورلىق قاۋىپتەرىن تولىق جويۋىمىز كەرەك. پرەزيدەنت جولداۋىندا بۇل ماسەلەگە دە توقتالىپ, قۇقىق قورعاۋ سالالارىن جەتىلدىرۋ جولدارىن اتاپ ءوتتى. وعان قوسا وسكەلەڭ ۇرپاقتى وتانشىل, ەلىن سۇيەر ازامات رەتىندە تاربيەلەۋىمىز كەرەك. سەبەبى, ەل ومىرىندەگى يگى وزگەرىستەردى جۇزەگە اسىراتىن دا ءسىز بەن ءبىز.
داريا قوجامجاروۆا,
م.اۋەزوۆ اتىنداعى وقمۋ رەكتورى