ريو-دە-جانەيرو فەدەرالدى ۋنيۆەرسيتەتىنىڭ (برازيليا) مولەكۋلالىق ۆيرۋسولوگيا زەرتحاناسى كوروناۆيرۋسپەن 152 كۇن اۋىرعان ناۋقاس تۋرالى حابارلادى, دەپ جازادى Egemen.kz.
اتى-ءجونىن جاسىرۋدى دۇرىس كورگەن ايەل دەنساۋلىق ساقتاۋ سالاسىندا جۇمىس ىستەيدى. ناۋقاستا سيمپتومدار ناۋرىز ايىندا پايدا بولعان. وزىنەن ينفەكتسيا انىقتالعان سوڭ كوپ ۋاقىت وتپەي, سيمپتومسىز تۇرىمەن دە اۋىرعان. وسى ۋاقىت ارالىعىندا پاتسيەنت ۆيرۋستى باسقا ادامدارعا جۇقتىرعان بولۋى دا ىقتيمال, دەيدى دارىگەرلەر.
اۋرۋمەن كۇرەسۋ كەزىندە ايەل ۇيدە كارانتيندە بولدى. ول قالپىنا كەلگەننەن كەيىن وعان جۇمىسقا ورالۋعا رۇقسات ەتىلگەن.
بۇعان دەيىن ۇلىبريتانيانىڭ 35 جاستاعى تۇرعىنى فاتيما بريدل كوروناۆيرۋسپەن 130 كۇن ەمدەلگەن ەدى. ول اۋىر اسقىنۋمەن قاتار, پنەۆمونيا جانە سەپسيسپەن دە اۋىرعان ەكەن.