كوروناۆيرۋستىڭ كارىز قۇبىرلارى ارقىلى تارايتىنى انىقتالدى

Environment International جۋرنالىندا جاريالانعان زەرتتەۋ قورىتىندىسىندا, ەشكىم تۇرمايتىن پاتەردىڭ جۋىناتىن بولمەسىندەگى كوروناۆيرۋستىق قوزدىرعىشتىڭ انىقتالعانى تۋرالى ايتىلعان.

اقپان ايىندا عالىمدار COVID-19 قۇبىرلارى ارقىلى تاراۋى مۇمكىن دەگەن نۇسقا ۇسىنىپ ەدى. بىرنەشە ايعا سوزىلعان زەرتتەۋلەردەن كەيىن بۇل تەوريا راستالدى.

كوروناۆيرۋس انىقتالعان جۋىناتىن بولمە COVID-19-بەن اۋىرعان پاتسيەنتتەرى تۇراتىن پاتەردىڭ ۇستىندە ورنالاسقان. زەرتتەۋشىلەر ۆيرۋستىڭ دارەتحانادان اعىپ جاتقان سۋدىڭ اسەرىنەن پايدا بولاتىنىن, سوسىن ۇساق بولشەكتەر ارقىلى اۋاعا تارالۋى مۇمكىن ەكەندىگى تۋرالى تاجىريبە جاسادى. ناتيجەسىندە مۇنداي اەروزول بولشەكتەرى ينفەكتسياسى بۇرىن راستالعان پاتەردىڭ  10 جانە 12 قاباتتارىنان دا تابىلدى.

ايتا كەتۋ كەرەك, 17 جىل بۇرىن گونكونگتاعى سۋ قۇبىرلارى دا SARS ىندەتىنىڭ تارالۋىنا سەبەپ بولعان ەدى. سودان كەيىن ءۇيدىڭ 329 تۇرعىنى اۋىرىپ, 42 ادام قايتىس بولدى, دەپ جازادى گازەت.