شىمكەنتتە جوعالىپ كەتكەن ءۇش جاسار بالا تابىلدى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.
29 تامىز كۇنى ساعات 19:30 شاماسىندا ءال-فارابي اۋدانىندا ءۇش جاسار ءبۇلدىرشىن ءىس-ءتۇسسىز جوعالىپ كەتكەن. ءتارتىپ ساقشىلارى جەدەل ىزدەستىرۋ شارالارىن جۇرگىزۋ بارىسىندا اسقاروۆ كوشەسى اكاتسيا ايالداماسى ماڭىندا اتا-اناسىنىڭ قاراۋىنسىز جۇرگەن ءبۇلدىرشىندى بايقايدى.
بالادان اتى-ءجونىن سۇراعاندا ول جاۋاپ بەرە الماعاندىقتان, ونى №13 ۋچاسكەلىك پوليتسيا تىرەك پۋنكتىنە جەتكىزگەن. ناتيجەسىندە, ءتارتىپ ساقشىلارى ۇلتتىق ۇلان ساربازدارىمەن بىرگە بالانى اتا-اناسىنا امان-ەسەن تابىستادى.