بۇرىن شىعىس قازاقستان وبلىسىندا تۇرعان ايەل جولاۋشىلاپ كەتكەننەن كەيىن وتىنىڭ باسىنا ون بەس جىلدان كەيىن ورالدى. بۇل ارالىقتا ونىڭ بالالارى ەر جەتىپ, ازامات اتاندى. ال كۇيەۋى قايتىپ ۇيلەنبەپتى. سول ۋاقىتتان بەرى ايەلى كۇتىپ ءجۇرىپتى. بۇل تۋرالى yk.kz پورتالى حابارلادى.
سايت حابارلاعانداي, شىعىستاعى تۇعىل اۋىلىنىڭ تۇرعىنى ءلاززات بيسەقانوۆا 1999 جىلى تابىس تاپپاقشى بولىپ الماتىعا جول تارتادى. سەبەبى, سول تۇستا ەلدەگى جاعداي ءالى اۋىر ەدى. وتباسىن اسىراۋ قامى ونى وسى ساپارعا يتەرمەلەيدى. ۇيىندە جولىن توسىپ ءۇش بالاسى مەن كۇيەۋى قالادى. بىراق كەلىنشەك سول كەتكەننەن مول كەتەدى. سودان بەرى ونى كوردىم-ءبىلدىم دەگەن ءبىر ادام تابىلمايدى. ارتىندا قالعان جوقتاۋشىلارى ءارى-بەرى ىزدەستىرىپ تە كورەدى. سويتكەنمەن, ەش دەرەگى شىقپايدى. جۇرتتىڭ ءبارى ونى سوسىن «ولدىگە» سانايدى. كەيىن تۋعاندارىنا ونىڭ قايتىس بولعانى تۋرالى انىقتاما قاعازى دا بەرىلەدى. بىراق ءلاززات ءتىرى ەدى.
قازىر بەلگىلى بولعانداي, كەلىنشەك وڭتۇستىك مەگاپوليسكە جەتكەن ءجۇرىپ كەلە جاتقان كولىكتىڭ استىنا ءتۇسىپ قالادى. باسىنان العان اۋىر جاراقاتىمەن اۋرۋحاناعا جاتقىزىلادى. ەسىن جيناعان كەزىندە قايدان كەلگەنىن, ءوزىنىڭ كىم ەكەنىن ەسىنە ءتۇسىرىپ, ايتىپ بەرە المايدى. ول ەمدەۋ ورنىنان شىققاننان كەيىن سوندا ىستەيتىن ءبىر تازالىقشى ايەل ۇيىنە الىپ كەتەدى. بۇعان رازى بولعان ءلاززات ونىڭ ۇيىنە جوندەۋ جۇرگىزىپ بەرەدى. مۇنىسى ءۇي يەسىنە ۇنايدى. سوسىن ول قۇربىسىنىڭ ءۇيىن جوندەتتىرەدى. وسىلايشا بىرتىندەپ ايەلدىڭ جاعدايى تۇزەلە بەرەدى. بارا-بارا ءوزى ءۇي جالداپ تۇراتىنداي دارەجەگە جەتەدى.
جاقىندا تۇعىلدا قاتار تۇرعان كورشىسى ءلاززاتتى دۇكەندە كەزدەستىرىپ, تانىپ قالىپتى. سودان كەيىن دەرەۋ ايەلدىڭ كۇيەۋى مەن بالالارىنا تەلەفون شالىپتى. وتكەن سەنبى كۇنى زاششيتا ستانساسىنا كەلىپ تۇسكەن ءلاززاتتى تۋعان-تۋىستارى, كۇيەۋى مەن بالالارى تايلى-تاياعىمەن كۇتىپ الدى.
مۇرات ايتقوجا.