نيۋ-يوركتە شىمىلدىعى تۇرىلگەن اقش-تىڭ اشىق بىرىنشىلىگىندە بۇگىن كورتقا شىققان قازاقستاننىڭ ءتورت تەننيسشىسىنىڭ ۇشەۋى ەكىنشى كەزەڭگە جولداما الدى, دەپ حابارلايدى Egemen.kz.
جۇلدە قورى 53 400 000 دوللاردى قۇرايتىن تۋرنيردە الەكساندر بۋبليك سۇرەڭسىز ونەر كورسەتىپ, جارىس جولىنان شىعىپ قالدى. ول ۇلىبريتانيالىق كايل ەدمۋندكە 6:2, 5:7, 5:7, 0:6 ەسەبىمەن ەسە جىبەردى. ال وزگە جەرلەستەرىمىزدىڭ بارلىعى دا العاشقى اينالىمنان سۇرىنبەي ءوتىپ, ءوز جانكۇيەرلەرىن قۋانتتى. اتاپ ايتساق, ميحايل كۋكۋشكين ماجارستاندىق اتتيلا بالاجدان باسىم ءتۇستى – 6:4, 7:5, 6:4.
الەمنىڭ 17 راكەتكاسى ەلەنا رىباكينا WTA تىزىمىندە 107 ورىندا تۇرعان ۋكراينالىق كاتارينا زاۆاتسكايانىڭ تاس-تالقانىن شىعاردى – 6:3, 6:0. سول سەكىلدى يۋليا پۋتينتسەۆاعا (33 راكەتكا) دا امەريكالىق مەگان مونتگومەريدى جولىنان ىعىستىرۋ ەش قيىندىق تۋعىزعان جوق. ەسەپ – 6:1, 6:3.
كەشە زارينا دياس اقش-تىڭ وكىلى بەرناردا پەرامەن كەزدەستى. بۇگىن ەلەنا رىباكينا تاعى ءبىر امەريكالىق تەننيسشى شەلبي رودجەرسپەن شەبەرلىك بايقاسسا, يۋليا پۋتينتسەۆا بەلارۋسسيالىق ۆەرا لاپكوعا قارسى وينايدى. ال ميحايل كۋكۋشكيننىڭ قارسىلاسى – چيليلىك كريستيان گارين.