بۇل تۋرالى مەملەكەت باسشىسى قاسىم-جومارت توقاەۆ پارلامەنتتىڭ قوس پالاتاسىنىڭ بىرلەسكەن وتىرىسىندا ايتتى, - دەپ حابارلايدى Egemen.kz.
"اسا ماڭىزدى ماسەلەنىڭ ءبىرى – ايماقتاردى بيۋدجەتتەن قارجىلاندىرۋ مودەلىن ازىرلەۋ. بۇل رەتتە ورتالىق پەن ءوڭىر اراسىنداعى قارىم-قاتىناستان بولەك, قاراجاتتىڭ ءوڭىر ىشىندە بولىنۋىنە ايرىقشا نازار اۋدارۋ كەرەك. جەرگىلىكتى بيۋدجەتتەردى بەكىتۋ بارىسىندا باقىلاۋدى كۇشەيتۋ قاجەت. سەبەبى بولىنگەن قاراجات كوپ جاعدايدا تۇرعىنداردىڭ شىنايى قاجەتتىلىگىنە جۇمسالا بەرمەيدى. ءبىر-ەكى كوشەنى جىل سايىن قايتا-قايتا جوندەي بەرۋ, يمميدجدىك ءىس-شارالارعا جۇمسالاتىن ءتيىمسىز شىعىندار ازاماتتارىمىزدىڭ نارازىلىعىن تۋدىرۋدا. بۇل ورىندى. ينفراقۇرىلىمدىق جانە الەۋمەتتىك باستامالارعا اۋدانداردىڭ جانە ەلدى مەكەندەردىڭ بيۋدجەتىنەن قاراجات ءبولۋ ءۇشىن قوعامدىق ساراپتاما جۇرگىزىلۋگە ءتيىس", - دەدى پرەزيدەنت.