قازاق كسر العاشقى پرەمەر-ءمينيسترى ۇزاقباي قارامانوۆتىڭ ءبيۋستى ورناتىلدى

قر مادەنيەت جانە سپورت ءمينيسترى اقتوتى رايىمقۇلوۆا قىزىلوردا وبلىسىنا جۇمىس ساپارىمەن باردى. 

ساپار بارىسىندا مينيستر قىزىلورداداعى وبلىستىق تاريحي-ولكەتانۋ مۋزەيىنىڭ جۇمىسىمەن تانىستى. مۇراجاي 1954 جىلى سالىنىپ, 2015 جىلى جوندەۋدەن ءوتتى. قازىر مۋزەيدە 11 كورمە زالى بار. مۇراجايدا 24 مامان مەن 14 تەحنيكالىق قىزمەتكەر جۇمىس ىستەيدى.

سونداي-اق, رايىمقۇلوۆا وبلىس اكىمى گۇلشارا ابدىحالىقوۆامەن بىرگە ارال اۋدانىندا بولدى. مۇندا شەنەۋنىكتەر ۇزاقباي قارامانوۆ اتىنداعى №262 مەكتەپ-گيمنازياسىنىڭ جۇمىسىمەن تانىسىپ, قايراتكەردىڭ ءبيۋستىنىڭ اشىلۋ سالتاناتىنا قاتىستى.

"بۇگىن ءبىز ۇزاقباي قارامان ۇلىنىڭ ءبيۋستىن اشىپ وتىرمىز. ۇلى ادامداردىڭ ءومىر جولى بولاشاق ۇرپاققا ءاردايىم ۇلگى. ۇزاقباي قارامان ۇلى 1937 جىلى دۇنيەگە كەلگەن. ول قازاقستان رەسپۋبليكاسىنىڭ ءبىرىنشى پرەمەر-ءمينيسترى بولدى. مەملەكەت جانە قوعام قايراتكەرى, "بارىس ءىى" وردەنىمەن ماراپاتتالعان قازاقستان قۇرىلىسشىلار وداعىنىڭ نەگىزىن قالاۋشى. ءبىزدىڭ مىندەتىمىز - ەلدىڭ دامۋىنا ۇلەس قوسقان ازاماتتارعا قۇرمەت كورسەتۋ", دەدى وبلىس اكىمى.

ايتا كەتەيىك, ۇزاقباي قارامانوۆتىڭ ءبيۋستىن ورناتۋعا وبلىستىق بيۋدجەتتەن قاراجات بولىنگەن. ەسكيز مادەنيەت جانە سپورت مينيسترلىگى جانىنداعى مەملەكەتتىك كوميسسيامەن كەلىسىلدى. ءبيۋستتىڭ اۆتورى - قازاقستان سۋرەتشىلەر وداعىنىڭ مۇشەسى, ءمۇسىنشى ايدوس توقتاربەكوۆ. ەسكەرتكىش قولادان جاسالعان, بيىكتىگى - 3,2 مەتر.