نيۋ-يوركتىڭ ونەر سۇيەر قاۋىمى ءۇشىن كارانتين اياقتالدى: التى اي كارانتيننەن كەيىن مونە نەمەسە پيكاسسو تۋىندىلارىن تاماشالاپ, دجاكوممەتتي مۇسىنىنە سۇيسىنۋگە بولادى. وسى اپتادا مانحەتتەندەگى زاماناۋي ونەر مۋزەيى (موما) ءوز ەسىگىن قايتا اشتى, دەگەنمەن زالداردا ازىرگە ادامدار بۇرىنعىداي كوپ جينالىپ جاتقان جوق, دەپ حابارلايدى Egemen.kz قازاقپاراتقا سىلتەمە جاساپ .
مەتروپوليتەن مۋزەيى دە جۇرتشىلىق ءۇشىن اشىلدى, بىراق ازىرگە وندا كىرەتىن ادامدار سانى شەكتەۋلى بولىپ وتىر.
"ۇلكەن الما" مۋزەيلەرىندە قاتاڭ ەرەجە ساقتالادى: مۇندا ماسكا تاعىپ, كىرەردە تەمپەراتۋرا ولشەيدى جانە وندا بارۋ ءۇشىن الدىن الا ۋاقىت بەلگىلەۋى ءتيىس. ال مۋزەيدەگى ادامدار سانى 25%-دان اسپاۋى ءتيىس. سوندىقتان, مەتروپوليتەن اشىلعان العاشقى كۇنى ادەتتەگىدەي 30-40 مىڭ ادام ەمەس, 10 مىڭ ادام عانا كەلدى.
پاندەميا سالدارىنان نيۋ-يوركتەگى مۋزەيلەر ەۋروپاداعىعا قاراعاندا الدەقايدا شىعىنعا باتتى. سەبەبى, ولاردىڭ بيۋدجەتى بيلەت ساتىلىمىنا بايلانىستى. مەتروپوليتەن جابىلعان ۋاقىت ىشىندە 150 ملن دوللار جوعالتىپ, 400 قىزمەتكەرىن قىسقارتتى.