الەمدەگى ەڭ تاماشا جەر دەپ تانىلعان برازيلياداعى فەرناندو-دە-نورونيا ارحيپەلاگىنىڭ بيلىگى تۋريستەردى قايتا قابىلداۋعا شەشىم شىعاردى. الايدا, "جۇماق ارالدا" دەمالۋ ءۇشىن تۋريست COVID-19 ىندەتىمەن اۋىرىپ, جازىلعان بولۋى مىندەتتى, دەپ حابارلايدى Egemen.kz.
تۋريستەر وزدەرىنىڭ اۋرۋ جۇقتىرعانىن, سودان كەيىن تولىق قالپىنا كەلگەنىن دالەلدەۋى كەرەك. بۇل ءۇشىن ارالعا بەت الاردان بۇرىن, 20 كۇن ىشىندە پتر نەمەسە انتيدەنەلەرگە تەست تاپسىرۋ مىندەتتى.
ارحيپەلاگتىڭ اكىمشىسى گيلەرمە روچا ۇكىمەت پاندەميا كەزىندە تۇرالاپ قالعان ارال ەكونوميكاسىن وسىلايشا جاقسارتۋعا تىرىسىپ جاتقانىن ءتۇسىندىردى.
"ارال جۇمىس باستاعان العاشقى كەزەڭىندە تەك كوۆيدكە شالدىعىپ قويعان, ساۋىعىپ, وسى اۋرۋعا يممۋنيتەت قالىپتاستارىعان تۋريستەر عانا قابىلدانادى, ويتكەنى ولار ونى قايتادان جۇقتىرىپ, اۋىرا المايدى", دەپ ءتۇسىندىردى روچا.
ول سونىمەن قاتار قايتا جۇقتىرۋ جاعدايلارى سيرەك كەزدەسەتىنىن جانە بۇل اقپارات ازىرگە كۇمان تۋدىراتىنىن دا اتاپ ءوتتى.