ەۋروپا وداعى سايلاۋ ناتيجەسىنىڭ فالسيفيكاتسياسى مەن نارازىلىقتاردى كۇشپەن توقتاتۋعا اتسالىسقانى ءۇشىن 20 بەلارۋستىق شەندىگە قارسى سانكتسيا جاريالاۋ شەشىمىن ماقۇلدادى.
ءتىزىمدى الەكساندر لۋكاشەنكو باستاپ تۇر. ء«بىز تىزىمدە كىم بولادى, ونىڭ سانىنا قاتىستى جالپى كەلىسىم دايىندادىق», دەدى چەحيا سىرتقى ىستەر ءمينيسترى توماس پەتريچەك بەرليندەگى ەۋرووداق سىرتقى ىستەر مينيسترلەرىنىڭ كەزدەسۋىندە. الايدا تەحنيكالىق سەبەپتەرمەن ءتىزىم ەڭ جىلدام دەگەندە كەلەسى اپتادا دايىن بولماق.
جۋرناليستەردىڭ «بەلارۋس پرەزيدەنتى دە ەۋروپاعا كەلۋىنە تىيىم سالىناتىنداردىڭ قاتارىندا بولا ما؟» دەگەن سۇراعىنا ت.پەتريچەك «لۋكاشەنكو دا تىزىمدە بولۋى كەرەك», دەپ جاۋاپ بەردى.
ليتۆا سىرتقى ىستەر ءمينيسترى ليناس لينكەۆيچيۋس تە ا.لۋكاشەنكو سانكتسيا تىزىمىندە بولۋى كەرەك دەگەن پىكىرمەن كەلىسىپ وتىر. الايدا بەلارۋس پرەزيدەنتى بەلگىلى سەبەپتەرمەن تىزىمگە قوسىلماۋى مۇمكىن دەگەن دە بولجامىن جاسىرمادى.
گرەكيا مەن كيپر ەلدەرى دە تۇركياعا جەرورتا تەڭىزىنىڭ شىعىسىندا زاڭسىز ەنەرگيا تاسىمالداعانى ءۇشىن سانكتسيا جاريالاۋ كەرەك دەگەن ويدا. ناقتى ايتقاندا, ەكى مەملەكەت بەلارۋسكە قارسى ءىس-قيمىلعا قوسىلۋعا كەلىسىمىن بەرۋى ءۇشىن الدىمەن ەۋرووداقتان تۇركياعا سانكتسيا سالۋ ماسەلەسىن قاراستىرۋدى تالاپ ەتىپ وتىر.
رەسەي فەدەراتسياسىنىڭ پرەزيدەنتى ۆلاديمير پۋتين بەيسەنبىدە بەلارۋستەگى جاعداي شيەلەنىسە تۇسسە, كوتەرىلىستە كۇش قولدانىلسا, پوليتسيا جىبەرۋگە دايىن ەكەنىن مالىمدەدى. دەگەنمەن قازىر ونداي قاجەتتىلىك كورىپ تۇرماعانىن ايتتى. ال ليناس لينكەۆيچيۋس بولسا بۇل زاڭسىز بولاتىنىن, رەسەيگە دە بۇل ماسەلەگە قاتىستى ەسكەرتۋ جاسالۋى كەرەگىن حابارلادى.
ۋكراينا سىرتقى ىستەر ءمينيسترى دميتري كۋلەبا ديپلوماتيالىق ارىپتەستىكتى ءبىرجولا ۇزۋگە سەبەپ كورمەيتىنىن, الايدا ەۋروپا وداعىنىڭ شەشىمىنەن كەيىن سانكتسيا جونىندە كەڭەسىپ, شەشىم قابىلدايتىنىن حابارلادى. «بەلارۋستەگى جاعداي تۇراقتالعانشا سەرىكتەستىك پەن بايلانىستى توقتاتا تۇرۋ ابزال» دەگەن مالىمدەمە جاسادى.