ساپارحان وماروۆ اقتوبەدە ەكى كۇندىك جۇمىس ساپارىمەن بولدى

مينيستر  مارتوك اۋدانىنداعى  ەگىس جانە ءسۇت, قۇراما جەم  وندىرەتىن  شارۋاشىلىقتاردا بولىپ, جەرگىلىكتى تاۋار وندىرۋشىلەرمەن جۇزدەستى. "اقتوبە اۋىلشارۋاشىلىق كوللەدجىندە" ستۋدەنتتەرمەن كەزدەسىپ,  جۇمىس ساپارىن مۇعالجار اۋدانىنداعى اسىل تۇقىمدى جىلقى وسىرەتىن شارۋاشىلىقتا قورىتىندىلادى.  

مارتوك اۋدانىندا 8800 گەكتار جەرگە بيداي, ارپا, جۇگەرى, جوڭىشقا  ەگىپ,  قۇراما جەم وندىرەتىن "راد اگرو" جشس "بيزنەستىڭ جول كارتاسى-2020" مەملەكەتتىك باعدارلاماسى ارقىلى  جۇرگىزىلگەن ينفراقۇرىلىم جەلىلەرىن تانىستىردى. "اگرارلىق نەسيە كورپوراتسياسى" ارقىلى  كانادادان  6 سۋارۋ ماشيناسىن ساتىپ العان  وسى شارۋاشىلىق  860 گەكتار جەردە باۋ-باقشا مەن كوكونىس ءوسىرىپ وتىر. بۇدان سوڭ تاۋلىگىنە 50 توننا ءسۇت ءوندىرىپ, وبلىس اۋماعىنان باسقا باتىس قازاقستان, اتىراۋ وبلىستارىنا ءسۇت ونىمدەرىن شىعارىپ وتىرعان "ايس" جشس-ءنىڭ تسەحتارىن دا ارالاپ قايتتى.  

"اقتوبە اۋىلشارۋاشىلىق كوللەدجىندە"  ستۋدەنتتەر ءوز قولدارىمەن اعاشتار مەن بۇتالاردىڭ جۇزدەگەن ءتۇرىن وسىرگەن تالىمباقتىڭ جۇمىسىمەن تانىستى. وقۋ ورداسىنىڭ اۋلاسىندا اۋىلشارۋاشىلىق ونىمدەرىنىڭ كورمەسى ۇيىمداستىرىلىپ,  وندا وبلىستىڭ  20-عا جۋىق كاسىپورنى شىعاراتىن  ەت, ءسۇت, بال, سۋسىندار مەن, كوكونىس, نان ونىمدەرى ۇسىنىلدى. ساپارحان وماروۆ پەن وبلىس اكىمى وڭداسىن ورازالين  اۋىل شارۋاشىلىعى تاۋار وندىرۋشىلەرمەن كەزدەسىپ, شارۋالار وزدەرى تاپ بولعان قيىندىقتاردى ورتاعا سالدى. ەڭ وزەكتى ماسەلە – اۋىل شارۋاشىلىعى تاۋار وندىرۋشىلەرى   نەسيە الۋ مەحانيزمدەرىن وڭايلاتۋ مەن  اۋىل شارۋاشىلىعى تەحنيكالارىنىڭ  قولجەتىمدىلىگىن قامتاماسىز ەتۋگە كومەك سۇرادى.  

مۇعالجار اۋدانىندا اسىل تۇقىمدى  "مۇعالجار" جىلقىلارىن ءوسىرىپ, كوبەيتۋمەن اينالىسىپ جاتقان شارۋاشىلىقتىڭ جۇمىسىمەن تانىسۋ كەزىندە  "ەت جانە ءسۇت ءونىمى باعىتىنداعى جىلقى تۇقىمدارى" پالاتاسىنىڭ ديرەكتورى ەركەگۇل تىلەگەن  مينيستردەن  اسىل تۇقىمدى جىلقى باسىن  كوبەيتۋگە مەملەكەتتىك قولداۋدى كۇشەيتۋدى سۇرادى.

ساپارحان وماروۆ اقتوبە وبلىسىنا جۇمىس ساپارىنىڭ سوڭىندا:

– شارۋالارمەن  كەزدەسۋ بارىسىندا  كوتەرىلگەن سۇراقتاردى  جيناقتاپ, تالدايتىن بولامىز. بيىل كوكتەمدە پاندەمياعا بايلانىستى قيىندىقتار اۋىل شارۋاشىلىعىن دا اينالىپ وتكەن جوق.  ەگىس جۇمىستارىن ۇيىمداستىرۋ, سىرتتان تەحنيكا اكەلۋ مەن مامانداردىڭ كەلۋى قيىنعا ءتۇستى. وبلىستاردىڭ اراسىنداعى بارىس-كەلىس  قيىنداعان كەزدە   اۋىلشارۋاشىلىعى تاۋار وندىرۋشىلەرىنە "جاسىل ءدالىز" جاساپ بەرۋىمىزدىڭ  ارقاسىندا ەگىس جۇمىستارى ءوز مەزگىلىندە  اياقتالدى.  راس, جاز قيىنداۋ بولدى, كوپ وڭىرلەردە ماۋسىم, شىلدەدە  جاڭبىر جاۋماي, بۇل ەگىستىڭ شىعىمدىلىعىنا  اسەر ەتتى. اقتوبە وبلىسىندا استىق ءوسىمى جاقسى. وبلىس  كەرەگىن جابادى,  قالعانىن ەكسپورتقا شىعارۋ مۇمكىندىگى بار. اۋا رايى اشىق بولىپ تۇرسا, ەگىن جيناۋدى 10-15 كۇندە اياقتاۋ مۇمكىندىگى بار",  دەپ قورىتىندىلادى.