ۋكراين ەلىنىڭ بەلگىلى كاسىپقوي بوكسشىلارى ۆيتالي جانە ۆلاديمير كليچكولار وزدەرىنىڭ بالالىق شاعى وتكەن جەردە بولدى. بۇل ءۇشىن ولار الدىمەن تاراز قالاسىنا كەلىپ, وبلىس اكىمى قانات بوزىمباەۆپەن بىرگە جاقىندا عانا قۇرىلىسى اياقتالعان «تاراز-ارەنا» سپورت كەشەنىندە بولدى. ودان كەيىن تۇرار رىسقۇلوۆ اۋدانىنىڭ ورتالىعى – قۇلان اۋىلىنا ساپار شەكتى. مۇندا ۆيتالي مەن ۆلاديمير قازىرگى قۇلان, بۇرىنعى لۋگوۆوي اۋىلىنداعى ءبىر كەزدەرى اتا-اناسىمەن بىرگە تۇرعان ۇيگە بارىپ, وزدەرى الاڭسىز ويناپ وسكەن اۋلانى ارالادى.
ۋكراين ەلىنىڭ بەلگىلى كاسىپقوي بوكسشىلارى ۆيتالي جانە ۆلاديمير كليچكولار وزدەرىنىڭ بالالىق شاعى وتكەن جەردە بولدى. بۇل ءۇشىن ولار الدىمەن تاراز قالاسىنا كەلىپ, وبلىس اكىمى قانات بوزىمباەۆپەن بىرگە جاقىندا عانا قۇرىلىسى اياقتالعان «تاراز-ارەنا» سپورت كەشەنىندە بولدى. ودان كەيىن تۇرار رىسقۇلوۆ اۋدانىنىڭ ورتالىعى – قۇلان اۋىلىنا ساپار شەكتى. مۇندا ۆيتالي مەن ۆلاديمير قازىرگى قۇلان, بۇرىنعى لۋگوۆوي اۋىلىنداعى ءبىر كەزدەرى اتا-اناسىمەن بىرگە تۇرعان ۇيگە بارىپ, وزدەرى الاڭسىز ويناپ وسكەن اۋلانى ارالادى.
قارا شاڭىراقتارىن ءالى كۇنگە دەيىن بۇزباي وتىرعان ءۇيدىڭ بۇگىنگى قوجايىنىنا ەسكەرتكىش سىيلىق تاپسىردى. وقىعان مەكتەبىنە دە سوعىپ, ونىڭ بۇگىندە بالاباقشاعا اينالعانىن كوردى. ءۆيتاليدىڭ بالا كەزدەگى ۇستازدارى مەن ءبىر-ەكى سىنىپتاستارى دا تابىلىپ, وتكەن جىلداردان ەستە قالعان قىزىقتى وقيعالار دا ايتىلدى. اعايىندى بوكسشىلار وزدەرى جۇرگەن كوشەلەردى دە ارالاپ كورىپ, ساعىنىشتى جىلدارىن ەسكە الدى.
تاريحقا ءبىر ءسات كوز جۇگىرتسەك, الەم چەمپيوندارىنىڭ اتاسى روديون كليچكو مەن اجەسى تامارا ەفيموۆنا سوعىستان كەيىن قازاقستانعا جەر اۋدارىلادى. مىنە, سول جىلدارى بۇگىندە كۇرزى جۇدىرىعىمەن الەم بوكس جانكۇيەرلەرىنىڭ تاڭدايىن قاقتىرعان كليچكولاردىڭ اكەسى ۆلاديمير دۇنيەگە كەلەدى. ول وقىپ, ەرجەتكەن سوڭ ۇشقىشتار ۋچيليششەسىن ينجەنەر-قۇرىلىسشى ماماندىعى بويىنشا ءبىتىرىپ, چەحوسلوۆاكيادا, قىرعىزستاندا, قازاقستاندا جانە بالتىق جاعالاۋى ەلدەرىندە اسكەري اۋەجايلار سالۋ بويىنشا قىزمەت ەتەدى. ءومىرىنىڭ سوڭىنا قاراي ۋكراينا ەلشىلىگىنىڭ گەرمانيا مەن ناتو-داعى اسكەري اتتاشەسى بولعان ۆلاديمير روديونوۆيچ كليچكو گەنەرال-مايور دارەجەسىنە دەيىن كوتەرىلگەن. ال اعايىندى كليچكولاردىڭ اناسى نادەجدا ۋليانوۆا باستاۋىش سىنىپ مۇعالىمى بولعان ەكەن.
البەتتە, اكەسى قۇلان اۋىلى ماڭىنداعى اۋەجايدا قىزمەت ەتىپ جۇرگەن كەزدە اعايىندى بوكسشىلاردىڭ ۇلكەنى ۆيتالي وسىنداعى مەكتەپكە بارىپ وقىدى. ال رەسەي ماقتانىشى الەكساندر پوۆەتيندى كۇنى كەشە عانا جەڭگەن ۆلاديمير بولسا ول كەزدە ءالى كىشكەنتاي بولاتىن. ولاردىڭ ەسىندە اسكەري قىزمەتتەگى اكەسىمەن بىرگە قازاق ەلىنىڭ ءبىر تۇپكىرى – بۇگىنگى قۇلان, كەشەگى لۋگوۆوي اۋىلىندا وتكىزگەن باقىتتى بالالىق شاقتارى مىنە, وسىلايشا قالىپ قويعان ەدى.
جامبىل وبلىسى.
سۋرەتتە: اعايىندى ۆيتالي جانە ۆلاديمير كليچكو.