قازالىدا Coworking ورتالىعى اشىلدى, دەپ حابارلايدى Egemen.kz
قازالىدا جاقىندا عانا جاڭا عيماراتقا كوشكەن قالالىق كىتاپحانادا سoworking ورتالىعى اشىلدى. اشىلۋ سالتاناتىنا اۋدان اكىمى مۇرات ەرگەشباەۆ ارنايى قاتىسىپ, ورتالىقتىڭ جۇمىسىمەن تانىستى. مۇنان سوڭ كىتاپحانا قىزمەكتەرلەرى قازاقستان جاستارىنىڭ جالىندى جەتەكشىسى عاني مۇراتباەۆ وقىعان №16 مەكتەپتىڭ تاريحى تۋرالى ايتىپ بەرىپ, جەرلەسىمىز جايلى جازىلعان شىعارمالارمەن تانىستىردى.
– "تسيفرلى قازاقستان" جوباسى اياسىنداعى بۇل يگى ءىس وقىرماندار قاتارىن كوبەيتۋگە وزىندىك ىقپالىن تيگىزەرى انىق. زامان تالابىنا ساي, الەمدەگى دامىعان ەلدەردىڭ كىتاپحاناسىندا ۇسىنىلاتىن قىزمەت ءتۇرىن قازاق قوعامىنا ەنگىزۋدىڭ ءوزى – جاڭارۋ مەن جاڭعىرۋعا باستاعان ۇلكەن قادامنىڭ ءبىرى. سەبەبى, كىتاپحانالار تەك كىتاپ وقيتىن ورىن ەمەس, ءتۇرلى سەمينارلار, ترەنينگتەر, دارىستەر وتەتىن, جاستار ءجيى باس قوساتىن ناعىز ءبىلىم ورتالىعى بولۋى ءتيىس, – دەگەن مۇرات ءنالحوجا ۇلى كىتاپحانا قىزمەتكەرلەرىنە ساتتىلىك تىلەدى.
كىتاپحاناشىلاردىڭ ايتۋىنشا, سoworking ورتالىعى جاستار مەن جاسوسپىرىمدەرگە كوپ مۇمكىندىك بەرەدى. بۇل جەردە قالا جاستارى كوپتەگەن قىزىقتى اكتسيالارعا, زياتكەرلىك ويىندارعا جانە تاعى باسقا شارالارعا قاتىسا الادى. سونىمەن قاتار ورتالىقتا شاحمات, دويبى, توعىزقۇمالاق وينايتىن ورىندار دا بار.