قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ توراعالىعىمەن سالالىق ماسەلەلەر جونىندەگى كەڭەستىڭ كەزەكتى وتىرىسى ءوتتى. جيىن بارىسىندا تۇرعىن ءۇي-كوممۋنالدىق شارۋاشىلىق جانە ازاماتتىق اۆياتسيا سالالارىنىڭ ماسەلەلەرى تالقىلاندى, دەپ حابارلايدى Egemen.kz.
اتاپ ايتقاندا, ءۇي-كوممۋنالدىق شارۋاشىلىق سالاسىندا ء«بىر تەرەزە» قاعيداتى بويىنشا قۇرىلىس جۇرگىزۋدى ۇيىمداستىرۋ ءۇشىن پورتال مەن اقپاراتتىق جۇيەلەردى جۇرگىزۋ ءتارتىبىنىڭ جانە ينجەنەرلىك-گەولوگيالىق ىزدەنىستەردى جۇزەگە اسىرۋ قاعيدالارىنىڭ جوبالارى ماقۇلداندى.
"ە-قۇرىلىس" بىرىڭعاي اقپاراتتىق جۇيەسىن ەنگىزۋ, بۇل ودان ءارى قۇرىلىس سالاسىنىڭ بارلىق سۋبەكتىلەرى ءۇشىن بىرىڭعاي ونلاين پلاتفورما بولىپ تابىلادى.
ينجەنەرلىك-گەولوگيالىق ىزدەنىستەردى جۇزەگە اسىرۋ قاعيدالارىقۇرىلىستىڭ جوبالىق دايىندىعىن, سونداي-اق وبەكتىلەردى سالۋ, پايدالانۋ جانە كەيىننەن كادەگە جاراتۋ كەزەڭىندە ورىندالاتىن ينجەنەرلىك-گەولوگيالىق ىزدەنىستەردى نەگىزدەۋ ءۇشىن ينجەنەرلىك-گەولوگيالىق ىزدەنىستەر ءوندىرىسىنىڭ جالپى تالاپتارىن بەلگىلەۋگە باعىتتالعان.
سونداي-اق, ساۋلەت, قالا قۇرىلىسى, قۇرىلىس جانە مەملەكەتتىك ساۋلەت-قۇرىلىس باقىلاۋ جانە قاداعالاۋ ىستەرى جونىندەگى جەرگىلىكتى اتقارۋشى ورگاندار قىزمەتىنىڭ ساۋلەت, قالا قۇرىلىسى جانە قۇرىلىس سالاسىنداعى تاۋەكەل دارەجەسىن باعالاۋ ولشەمشارتتارىن جانە تەكسەرۋ پاراقتارى بويىنشا وزگەرىستەر ماقۇلداندى.
ازاماتتىق اۆياتسيا سالاسىندا كەڭەسپەن اۋەجايدىڭ اۋماعىندا اۋەجاي قىزمەتىنە جاتپايتىن قىزمەتتەر كورسەتۋگە قول جەتكىزۋ قاعيدالارىنىڭ جانە قازاقستان رەسپۋبليكاسىنىڭ اۋە كەڭىستىگىندە ۇشقىشسىز ۇشۋ اپپاراتتارىن پايدالانۋ قاعيدالارىنىڭ جوبالارى قارالدى. جوبالار بويىنشا سالالىق كوميتەتكە ءجىتى پىسىقتاۋ تاپسىرىلدى.