ايگىلى كينوجۇلدىز سيلۆەستر ستاللونە رەسەيدىڭ سانكت-پەتەربۋرگ قالاسىنا كەلىپ, ءوزىنىڭ جەكە سۋرەتتەرىن حالىق نازارىنا ۇسىندى. بۇل تۋرالى Lifenews.ru حابارلادى.
كورمەگە اكتەردىڭ 30 شاقتى تۋىندىلارى قويىلدى. سىنشىلاردىڭ ايتۋىنشا, ونىڭ سۋرەتتەرى يمپرەسسيونيزم مەن ابستراكتىلى ەكسپرەسسيونيزم باعىتىندا سالىنعان. «ءومىردىڭ قيىندىقتارى مەن سىناقتارى ءبىزدى بۇرىنعىدان دا قاتايتا تۇسەتىنىنە سەنىمدىمىن. مەن جان-دۇنيەمدى اقتارۋ ءۇشىن, ءوزىمدى جاڭا قىرىمنان تانۋ ءۇشىن سۋرەت سالا باستادىم», – دەدى سيلۆەستر ستاللونە كورمەنىڭ اشىلۋ سالتاناتىندا.
كينو ارقىلى ۇلكەن تانىمالدىققا يە بولعان سيلۆەستر ستاللونە كوركەمسۋرەتپەن اينالىسۋدى كوپ جىل بۇرىن قولعا العان كورىنەدى. مىسالى, كوپشىلىككە تانىمال روككي فيلمىندەگى بوكسشىنىڭ بەينەسىن اكتەر الدىمەن مايلى بوياۋمەن قاعاز بەتىنە ءتۇسىرىپ, سودان كەيىن عانا ونى كينو ەكرانىندا سومداپ شىققان ەكەن.
ايدار ورىسباەۆ.