مالايزيادان ەلىمىزگە ۇشۋى ءتيىس بولعان Air Astana اۋە كەمەسىنىڭ ساپارى 30 ساعاتقا كەشىگىپ جاتىر. بۇل تۋرالى اۋە كومپانيا ءباسپاسوز قىزمەتىنىڭ اقپارىنا سىلتەمە جاساعان 24.kz حابارلادى.
ۇشاق كۋالا-لۋمپۋر قالاسىنان 27 قازاندا شىعۋى ءتيىس ەدى. الايدا, اۋە كەمەسىن تەكسەرۋ ناتيجەسىندە ۇشاق قوزعالتقىشىنىڭ قۋات بەرۋ بلوگى ىستەن شىققانى انىقتالدى. قازىرگى ۋاقىتتا «بوينگ 757» جوندەۋدەن وتۋدە. بورتتاعى بارلىق جولاۋشىلار قوناق ءۇي جانە ءۇش مەزگىل تاماقپەن قامتاماسىز ەتىلدى. بولجام بويىنشا, جوندەۋ جۇمىستارى بۇگىن اياقتالۋى ءتيىس. ۇشاق جەرگىلىكتى ۋاقىت بويىنشا كەشكى 18:00-دە ساپارعا شىعادى دەپ جوسپارلانۋدا.
ايدار ورىسباەۆ.