اتىراۋ وبلىسىنىڭ قۇرمانعازى اۋداندىق پوليتسيا بولىمىنە اۋداندىق مەكتەپ ديرەكتورلارىنىڭ ءبىرى مەكتەپتە ۇرلىق فاكتىسى ورىن العانى جونىندە ارىزدانادى, دەپ حابارلايدى Egemen.kz
مەكتەپ ديرەكتورىنىڭ ايتۋىنشا, بەلگىسىز بىرەۋلەر مامىر مەن تامىز ارالىعىندا مەكتەپتەن ەكى دانا "ACER" نوۋتبۋگى مەن ءبىر دانا پروەكتور قۇرىلعىسىن ۇرلانعان.
دەرەۋ ىزدەستىرۋ جۇمىستارىنا كىرىسكەن اتىراۋ وبلىستىق پوليتسيا دەپارتامەنتىنىڭ قىزمەتكەرلەرى مەكتەپ مۇلكىن جىمقىرعان ەر ادامدى قولعا تۇسىرەدى. پوليتسيا قىزمەتكەرلەرىمەن جەدەل ءىس-شارا بارىسىندا مەكتەپكە تيەسىلى تەحنيكالىق قۇرالداردى جىمقىرعان كۇدىكتىنىڭ جەكە-باسى انىقتالدى. ول 1996 جىلى تۋعان قالا تۇرعىنى بولىپ شىقتى. كۇدىكتىگە "ەشقايدا كەتپەۋ جانە ءوزىن ءوزى دۇرىس ۇستاۋ" شاراسى سانكتسيالانىپ, ايعاق زاتتار تاركىلەنىپ الىندى. قازىرگى تاڭدا اتالعان فاكتى بويىنشا سوتقا دەيىنگى تەرگەۋ امالدارى قر قك 188 بابىنىڭ 1-بولىگىمەن جۇرگىزىلۋدە.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.