تۇركىستان وبلىسى جەتىساي اۋدانىندا "مەكتەپكە جول" اتتى ەرەكشە رەسپۋبليكالىق اكتسياسى باستاۋ الدى. يگى ءىس اياسىندا اۋدانداعى از قامتىلعان جانە كوپبالالى وتباسىدان شىققان, سونداي-اق اتا-انا قامقورىنسىز قالعان 34 بۇلدىرشىنگە پلانشەتتەر مەن 13 جوعارى سىنىپ وقۋشىلارىنا سمارتفوندار تەگىن ۇلەستىرىلدى, - دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
قايىرىمدىلىق شاراسىنا اۋداندىق "نۇعمان" مەشىتىنىڭ مولدا-يمامدارى مەن جاماعاتى دەمەۋشىلىك جاساپ وتىر. اۋداندا بۇل شارا اياسىندا از قامتىلعان وتباسى بالالارىنا قولداۋ كورسەتۋدى يگى داستۇرگە اينالدىرۋ كوزدەلگەن. قايىرىمدى جاندار جىل سايىن بۇلدىرشىندەرگە مەكتەپكە قاجەتتى زاتتاردى تابىستايدى.
ء"بىز بۇل شارانى جىلدا ءداستۇرلى تۇردە وتكىزەمىز. بيىلعى جىلى كارانتيندىك جاعدايعا بايلانىستى وقۋشىلاردىڭ قاشىقتان ونلاين تۇردە ساباق وقيتىنىن ەسكەرىپ, وسىنداي جولدارمەن كومەكتەسۋدى شەشتىك. بۇلدىرشىندەرىمىزدىڭ كوڭىلدەرىن جادىراتقان وسى ءبىر ساۋاپتى ىسكە اتسالىسىپ, دەمەۋشىلىك جاساعان بارشا ازاماتتارعا شىنايى العىسىمدى بىلدىرەمىن", – دەدى اۋداننىڭ باس يمامى بەكزات سىزدىقوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.