جەلەزين اۋدانىندا جىل باسىنان باستاپ ءتارتىپ ساقشىلارىمەن كامەلەتكە تولماعانداردىڭ تۇنگى ۋاقىتتا ۇيدەن تىس جانە كوڭىل كوتەرۋ ورىندارىندا جۇرگەنى ءۇشىن 64 زاڭدى وكىل اكىمشىلىك جاۋاپكەرشىلىككە تارتىلدى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.
جەلەزين اۋدانىنىڭ يۋۆەنالدىق پوليتسيا قىزمەتكەرلەرى كۇردەلى ماسەلە تۋعىزاتىن مەكەنجايلاردا تەكسەرىستەردى كۇشەيتتى. باستى نازاردا – پوليتسيا ەسەبىندە تۇرعان كوپ بالالى وتباسىلار مەن اتا-انالار. كامەلەتكە تولماعاندار ءىسى جونىندەگى ۋچاسكەلىك پوليتسيا ينسپەكتورلارى بالالاردىڭ ءومىر ءسۇرۋ جاعدايىن تەكسەرىپ, قۇقىق بۇزۋشىلىقتار بولدىرماۋ ماقساتىندا پروفيلاكتيكالىق اڭگىمەلەر وتكىزدى. يۋۆەنالدىق پوليتسيا قىزمەتكەرلەرىنىڭ مىندەتى – جاسوسپىرىمدەر تاراپىنان قىلمىستار مەن قۇقىق بۇزۋشىلىقتاردىڭ الدىن الۋ.
– ءساتسىز وتباسىلاردى انىقتاۋ بويىنشا رەيدتىك شارالار جۇرگىزىلەدى. ءساتسىز وتباسى ساناتىندا تۇرعان وتباسىلار ۇدايى باقىلاۋدا. قىلمىستىق, قىلمىستىق-پروتسەسسۋالدىق, اكىمشىلىك كودەكس تالاپتارىن جەتكىزەمىز, – دەدى ءوز سوزىندە جەلەزين اۋدانى پب كامەلەتكە تولماعاندار ءىسى جونىندەگى اعا ۋچاسكەلىك پوليتسيا ينسپەكتورى الماگۇل بالتاباەۆا.
جىل باسىنان باستاپ ءتارتىپ ساقشىلارىمەن كامەلەتكە تولماعانداردىڭ تۇنگى ۋاقىتتا ۇيدەن تىس جانە كوڭىل كوتەرۋ ورىندارىندا جۇرگەنى ءۇشىن 64 زاڭدى وكىل اكىمشىلىك جاۋاپكەرشىلىككە تارتىلدى. بالا تاربيەسىندە ءوز مىندەتىن اتقارماعانى ءۇشىن توعىز اتا-انا جاۋاپقا تارتىلعان. بەس ءساتسىز وتباسى ەسەپكە قويىلعان.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.